De catro a catro historias no mar
Moi boa asistencia de cativos acompañados dalgún maior, quedaron abraiados coa historia do vello mariñeiro acompañado de sombras, unha acitividade recomendada.
Saltar a ligazóns de pé de páxina
Archive for category: Nenos e nenas
Dondondirindonga e Dondondirindon na Biblioteca de Val do Dubra
O día 5 de Outubro tivemos na nosa biblioteca a Charo Pita, coa súa actividade Dondondirindonga e Dondondirindon, son dúas campás que viven no alto dunha torre. O mundo todo coñece o seu cantar, pero un día as campás enmudecen. Quen será capaz de devolverlles a voz?
Vai contando a historia con distintos libros, instrumentos, e sons os nen@s estaban encantados. Gustou moito.
O Museo científico, chega a Culleredo
O venres 5 de outubro, a Biblioteca Miguel González Garcés de Culleredo, tivo nas súas instalacións, por unhas horas un Museo Científico!!. Distribuidos en tres mesas, foron pasando por elas para poder desfrutar de máis de 20 obxetos para aprender e curiosear no mundo da ciencia.
Viaxamos con Paco Nogueiras a través das ondas de Radio BuleBule
O sábado 6 de outubro emitimos desde Catoira un novo programa de radio BuleBule con Paco Nogueiras. A Biblioteca quedou pequena para acoller a numeroso público. Pequenos e maiores cantaron e bailaron coas historias e os ritmos deste divertido espectáculo, baseado no fermoso libro-cd-dvd editado por Kalandraka e con ilustracións de David Pintor.
O CONTO DO GRÚFALO DE PEDRO BRANDARIZ NAS BIBLIOTECAS DE TEO
O venres 5 de outubro quedousenos pequena a biblioteca para tanta xente que quixo desfrutar da historia dese ser imaxinario? chamado Grúfalo. Grandes e pequenos participaron desta historia e dalgunha máis da man de Pedro Brandariz. Todos quedamos con gañas de mais.
“O LOBO BOBO” de Elefante Elegante, na ALM de Castrelo-Cambados
O Xoves, 4 de outubro, na ALM de Castrelo-Cambados tivemos a oportunidade de ver o espectáculo “Lobo Bobo” da compañía Elefante Elegante, unha divertida reinterpretación dos contos clásicos, chea de sorpresas, música e cor. Tódolos cativos e cativas pasaron un momento ben divertido en compañía de Gonzalo e as súas historias. Os asistentes gozamos moito desta actividade.
un banquete con moito conto!…na BPM do Saviñao
En outubro tampouco faltou a sesión de contacontos do venres 5 de outubro ás 5 da tarde.
¿Algúen estivo algunha vez nun restaurante?
De ser así, desta vez será diferente.
Os nenos/as que asistan ao obradoiro,
terán a oportunidade de adentrarse
nun restaurante moi especial,
no que a imaxinación e os libros
serán os ingredientes principais
dos pratos a degustar.
Esta actividade, recomedada de 5 a 8 anos e público familiar e acompañante.
Estamos preparándonos para o Día das Bibliotecas coa sesión de Ler conta moito:
Un banquete con moito conto!,
da man de Andamiaxe
Chegamos á Biblio-Restaurante e atopamos xa a mesa posta.
Posto o mantel, e sentados á mesa, tocou decoralo ó gusto porque estaba un pouco “soso”. De primeiro prato, tivemos un conto delicioso cada participante.
Gustounos moito lelo e escoller a nosa personaxe favorita.
De segundo, decoramos o noso pano coa nosa personaxe favorita. Logo dobramos o pano, e seguindo as indicacións, numeramos cada esquina. 
Baixo cada unha delas tocou ir: pegando 2 palabras/frases escollidas ó chou, escribir un nome para a nosa personaxe (non a do conto, senon a que debuxamos), poñer o que facía e finalmente o que lle pasaba.
Saíunos un conto fantástico! Cada un, orixinal e diferente.
Para rematar, a nosa “camareira” contounos o que se lle ocorrera a ela:
Os animais da selva queren abrir unha escola e escollen o que hai que aprender nela. Finalmente deciden que non foi boa idea obrigar a todos a aprender todo porque todos somos diferentes e temos diferentes habilidades.
Finalmente, como viñemos sen carteira para pagar a consumición, tivemos que pagar con tarxeta indicando cal era o noso libro favorito…
Pasámolo lambonamente ben!
RAPOSADAS con Raquel Queizás na Biblioteca Central Rialeda de Perillo (Oleiros)
O pasado xoves 4 de outubro tivemos a sorte de contar con Raquel Queizás e o seu espectáculo Raposadas.
Unha raposa narrounos contos e adiviñas acompañada por uns pequenos monicreques e ata un galo que gustou moito aos nenos e nenas que non pararon de rir e participar respondendo ás preguntas que lles facía.
O PAROLEIRO con Pablísimo na Biblioteca P. Municipal Xograr Mendiño de Lorbé (Oleiros)
Excelente actuación de Pablísmo o xoves 4 de outubro na nosa biblioteca. Gustáronnos os seus contos sobre todo tipo de animais domésticos, acompañados por música e cancións, monicreques e unha utilización maxistral da narración oral, que nos fixo rir a todas e todos.
Como axudo a Antón? Un contacontos na BPM de Brión para previr o acoso escolar
O colectivo Biosbardos presentou en Brión o conta contos “Como axudo a Antón?”. Unha actividade de narración oral inspirado no álbum infantil do mesmo título, realizado por Jorge López Penas, o seu fillo de 13 anos Martín, a educadora social Isabel Ponte e a ilustradora Eva Riero.
Este serán de animación, organizado pola BPM de Brión co patrocinio do programa “Ler conta moito” da Rede de Bibliotecas de Galicia, celebrouse o venres 5 de outubro ás 18:00 h. Á sesión, dirixida a público infantil de entre 6 e 12 anos de idade, asistiron unhas 40 persoas sumando crianzas e acompañantes adultos.
A actividade presentou ao público a cuestión do acoso escolar cunha narración oral que posteriormente se someteu a debate entre os asistentes co apoio da psicóloga. Os nenos e as nenas participantes puideron cualificar o comportamento dos personaxes do conto cunhas tarxetas vermellas ou verdes para, deste xeito e entre todos e todas, tentar corrixir os feitos que apreciaron incorrectos.
Séguenos