O venres, 15 de xuño, visitounos na nosa biblioteca no Centro cívico de Vite en Santiago de Compostela “O Faiado de Nin” que desenvolveu este divertido obradoiro que encantou os/as participantes. Patricia amosoulles a maneira de elaborar os seus minicontos: crearon uns divertidos personaxes, imaxinaron unhas aventuras do máis abraiantes e decorárono con moito tino.
Onte tivemos unha visita moi especial e divertida na Biblioteca Municipal de Fene e pasámolo moi ben, xa que gozamos da compañía e da actuación do gran Mago Paco coa súa actividade Maxia divertida 2.0, donde presentou aos nenos e nenas de entre 3 e 12 anos e aos seus pais, nais e avós unha morea de contos e historias a través de xogos e de maxia, levándoos a descubrir a “maxia divertida” que esconden as narracións.
O Mago Paco tívonos moi entretidos durante todo a actuación, sacounos unha chea de risas e fixo aos máis pequenos partícipes das súas historias, xogos e maxia. Unha gran elección a actuación do Mago Paco para celebrar que pronto remata o colexio para os pequenos.
Grazas ao Mago Paco por facernos pasar unha tarde moi divertida e por ensinarnos trucos e xogos de maxia!!
O venres 8 de xuño o Mago Paco trouxo contos e maxia á Biblioteca Pública Municipal “P. M. Martínez Ferro”. Sorpresas e moita diversión en Caldas de Reis, unha proposta pouco convencional para traballar os contos!
DIGITAL CAMERA
O 16 de maio celebramos o Día das Letras Galegas con Fátima Fernández.
Fátima contounos unha chea de historias acompañándoas de diferentes libros pop-up. Entre esas historias destacou a referida a “Minia Senín” personaxe da obra de María Victoria Moreno.
Foi unha sesión moi divertida!!!
Antón e Tomasa cociñaron unha bonita história e fixeron unhas madalenas que compartiron con todos os usuarios
O venres 1 de xuño tivo lugar un contacontos teatralizado da man de Producións Dispersas titulado “O souto dos prodixios” , espectáculo con música, teatro e danza no que os nenos participaron moito.
O souto dos prodixios é un lugar onde todo pode suceder. Non hai nada imposible baixo os castiñeiros: Os ourizos falan en varios idiomas, os raposos cantan ópera lixeira, os sapos compoñen poemas que riman, os osos fan punto de cruz nas silveiras, temos xirasoles que dormen de día e as estrugas non pican se lles chiscas un ollo.
Estas son as fotos dos nenos que asistiron e que amosan o ben que o pasaron.
Para celebrar as Letras Galegas, visitou a nosa BPM do Grilo-Cacheiras Xarope Tulú con “María e os ollos alabarados” . Tomando como base textos e relatos de Maria Victoria Moreno desfrutamos dunha tarde de contos e anécdotas da homenaxeada neste ano.
O día 30de maio a Biblioteca Municipal de Lourenzá celebrou as Letras Galegas cun contacontos titulado ” o cataventos e outras historias de Vilaxeada ” baseado nos relatos de María Victoria Moreno , a cargo de Charo Pita. Pasamolo fenomenal!!
Teatro Calavera achegou ata a Axencia Municipal de Lectura de San Vicente un espectáulo sobre as aventuras do Cociñeiro Antón e a Pasteleira Tomasa.
Para finalizar, a rapazada asistente, elaborou unha riquísima brocheta de froitas con chocolate.
O pasado sábado 26 na biblioteca de Bertamiráns os rapaces que se inscribiron no obradoiro impartido por Minia Regos convertéronse por un ratiño en ilustradores profesionais e traballaron divertidos e animados na creación do seu propio álbum ilustrado. Moi recomendable!
Séguenos