“Contos que deixan pegada” na Biblioteca P.M.”Manuel María” de Oleiros con Pavís Pavós
Onte, martes 7 de outubro tivemos na Biblioteca P.M. “Manuel María” de Oleiros unha sesión de contos orientada a transmitir
valores, sen caer no didactismo e afastándose de moralismos. Contos narrados con maestría e que tratan das diferenzas na sociedade, a homofobia, o racismo, o machismo, as desigualdades.
O pasado xoves día 2 de outubro visitou a nosa biblioteca Lisístrata.
Nunha sala infantil chea de rapazada de 4 a 10 anos e algún pai ou nai que se nos colou nesta festa do conto infantil, Lisístrata aproximounos a contos sobre a igualdade. Foi un ratiño moi agradable no que a contadora de historias fixo que os asistentes desfrutasen e, de paso, adquirisen valores de respeto e convivencia.
Alongouse a preto dunha hora, pero polo entusiasmo demostrado pola rapazada foi moi divertido.
O mércores 1 de outubro, ás 18:50 h, Santi Prego trouxo á Biblioteca de O Froxel “Franciso A. Vidal” de Arteixo, moitos e divertidos contos e cantos acompañado polos seus monecos, facendo participar activamente ós nenos que viaxaron coa imaxinación a mundos fantásticos.
O venres, 3 de outubro, tivemos o pracer de contar na biblioteca de Mera (Oleiros) con Leo Leiño e o seu espectáculo “Maxia Cómica” no marco do programa Ler Conta Moito.
Con maxia e sobre todo moito, moito humor Leo conquistou nun abrir e pechar de ollos ao seu público. A contadora amosounos unha corda voante, un can que muda de cor, libros que botan lume e unha chea de cousas máis. A sesión destacou pola alta participación e logrou espertar o interese das nenas e dos nenos polos libros de maxia dispoñibles na biblioteca.
Non quedou nin un nos andeis!!!
O xoves 2 de outubro, a compañía A illa dos nenos, trouxo a maxia mesturada coa ciencia a nosa biblioteca. Unha científica retou a un mago con experimentos sobre cores, astronomía, matemáticas…etc, e este respostou cos seus xogos de maxia.
Tanto os maiores coma os nenos e nenas gozaron coa actividade participando, activamente, na mesma.
O duende “DADA” transportou @s máis cativos a un mundo cheo de máxia dende a Biblioteca Municipal de Carballedo, a través de contos que despertaron a súa imaxinación.
O martes 30 de setembro ás 18:30 Leo Leiño chegou á nosa biblioteca, asombrando a nenas e nenos cos trucos cheos de risas e ledicia da súa “Maxia Cómica”.
Durante 70 minutos a biblioteca estivo enchida da maxia e diversión que nos proporcionou Leo, xunto aos aplausos e ovacións do público asistente, e a inestimable participación de todas e todos os aspirantes a magos que colaboraron con ela, que foron premiados con auténticas variñas máxicas pola axuda prestada.
A ratiña Lily como todos os Ratos de Lonxedetodo (Ratos de Biblioteca), é unha gran afeccionada á lectura, pero tamén coida a súa alimentación e segue a máxima clásica: “que os teus alimentos sexan as túas menciñas”. Por iso na súa visita tráenos hábitos saudables na alimentación.
E así, cantando e contando, Lily deixounos as súas “Aventuras na Cociña”, contacontos teatral protagonizado polos Ratos da Biblioteca.
Consultar enlace ao evento no Facebook da biblioteca.
O pasado 6 de setembro visitounos na biblioteca Olga Abad para contarnos o conto O Soño do rato, onde temos a César un rato moi medroso que ten que pasar por moito antes de chegar á estación do tren para facer realidade o seu sono.
O conto veu acompañado da creación de sombras chinescas e moitas máis diversións para axudar a César a viaxar no tren que nos trae os libros ás bibliotecas. César perdeu o medo grazas a axuda de todos nós.
Consultar enlace ao evento no Facebook da Biblioteca.
Obradoiro impartido polo debuxante MANEL CRÁNEO.
Destinado a nenos e nenas de 6 a 10 anos.
Lectura de dous libros do Diario de Pichük con ambiente sonoro en directo. Buscouse aprender e practicar a creación de personaxes e mundos imaxinarios a través do debuxo e as palabras. Fabricáronse chapas que cada neno/a levou para a casa.
Séguenos