Un grupo de nenos acompañados dos seus pais disfrutaron dunha sesión de contos con Raquel Queizás.
Pasámolo en grande!

O 2 de abril coincidindo co Día do Libro Infantil Manuel Solla estivo en Camariñas co espectáculo Conto Contigo.

Foi unha divertida sesión na que os nenos/as puideron escoitar narracións de princesas e príncipes, interactuar con animaliños, introducirse no mundo da maxia e colaborar como actores/actrices.

A despedida foi moi complicada e Manuel prometeu volver a visitarnos.

O xoves día 27 de marzo @s nen@s de Infantil e 1º e 2º de Primaria do CEIP Xosé Luis Taboada disfrutaron do contacontos “A CIENCIA É DIVERTIDA” na Biblioteca do centro.

Nunha primeira parte da actividade, coa que se pretendía o fomento da lectura, da creatividade e da experimentación, Ana Romero Porto, narrou tres contos….

E despois….fixo, coa axuda d@s nen@s varios experimentos con utensilios da vida cotiá, como por exemplo, inchar un globo sen aire, elaborar con auga e pintura estrelas máxicas ou facer unha lampada fluorescente…. Tódolos experimentos deixaron ó público abraidado…

O pasado Xoves día 27 de Marzo, DIA MUNDIAL DO TEATRO, en Bibliopazos contamos cunha nova actividade de animación á lectura e nos visitou a actriz, escritora e contacontos Carmen Domech, que nos deleitou co seu espectáculo “CONTACONTOS DE LIBROS CONTENTOS” na sala de lectura.

Asistiron os rapaces e rapazas de 5º e 6º de Primaria do Colexio Público Integrado “Curros Enríquez” de Pazos de Borbén que pasaron un rato estupendo coas historias de Carmen Domech sobre os sucesos e cousas fantásticas que lles ocorrían aos seus libros.

Ao finalizar a actividade leéuse a mensaxe de Brett Bailey parao Día Mundial do Teatro 2014.

Aquí deixamos unhas imaxes de ese día.

Expresión Produccións achegou ata a Axencia de Lectura “Conto contigo”, un espectáculo de animación á lectura cunha selección de contos, apoiándose nos monicreques e da maxia, creou un espectáculo moi dinámico onde todos participaban.

A narración oral viña acompañada pola manipulación de animais de xoguete, libros e obxectos escénicos que saían da maleta do narrador e que era o nexo común da narración.

Nun principio o narrador pregunta aos participantes se atoparon a Flint,  un rato de biblioteca de cor branco, e fai mención do uso responsable dos libros como ferramenta de coñecemento, preguntando aos nenos e nenas se sabían como tratalos.

Despois contou un primeiro relato sobre  as peripecias de Juan, un neno que desexaba unha mascota, aludindo á actitude responsable das persoas ao ter una mascota. Utiliza a vocalización para cada unha das personaxes. Despois do conto pediu aos nenos que subiran ao escenario a imitar un animal que o publico tiña que adiviñar.

No segundo relato, O tiburón Conrado, conta as peripecias dun tiburón que naceu sen dentes e que so comía algas e vexetais e que, ao ser diferente, era obxecto de burlas polos demais da manada  polo que decidiu marchar. Os asistentes aprenderon unha canción que interpretaron nalgúns momentos do conto co narrador.

Para rematar, o narrador solicitoua a axuda de dous nenos do público que souberan  ler e escribir  para a realización dun truco de maxia que deixou a todos os asistentes abraiados.

O artista ao final da sesión fixo unha enquisa sobre o visto no espectáculo , preguntando que partes da actividade gustaran mais  e o grado de aceptación do público ao que ía dirixido.

Preto de 50 nenos e nenas acompañados dos seus familiares asistiron a “Conto contigo”. O artista engatusou a grandes e pequenos cun ameno espectáculo, onde o espectador estivo participativo dende o principio para axudar ao desenvolvemento das historias.

O sábado 22 de marzo tivemos a Larraitz Urruzola na Biblioteca Ánxel Casal, coas historias de Babamor e todas as súas familias cheas de amor.

En Babamor hai familias grandes e pequenas, familias envoltas en toneladas de cariño. Ollos que miran a outros ollos, cóxegas e paseos por xardíns de bolboretas.

Espectáculo de narración oral tradicional no que a titiriteira Larraitz xoga con atmósferas e situacións que xurden da transformación de obxectos e espazos do mundo dos contos.

Moi importante a presenza dos contos en todo o espectáculo e a insistencia da narradora na lectura como fonte de inspiración e forza para a nosas vidas.

Expresión Produccións realizou o seu espéctaculo de animación a lectura na Biblioteca  Ánxel Casal, cunha mezcla de actividades de contacontos, títeres e maxia.

Unha posta en escea espectacular como base para unha actividade na que a participación dos nenos e nenas foi primordial.

Ademáis dos contos, aprendemos trabalinguas e cancions.

Co gaio da celebración do Día da Poesía , o artista Carlos Coira fixo as ledicias de cativ@s e maiores cun fantástico espectáculo de maxia, teatro e poesía, onde a palabra foi a protagonista.

O mércores 19 de marzo, ás 18.30 h. Ana Hermida da Asociación Lisistrata visitounos na Biblioteca de Santa Cruz co espectáculo “Contando en feminino.”

A partir dos seguintes contos : “Historia dos bonobos con lentes”, “A princesa Carlota e o seu dragón mascota”, “Artur e Clementina” e “As cores”, contados desde a perspectiva de xénero e igualdade, xógase cos roles femininos, de xeito que non estean representados só os que son tradicionais nos contos, senón algo igualitario nos que as/os protagonistas o sexan desde o punto de vista da igualdade e da cooperación en todas as facetas da vida.

A actividade completouse coa mostra bibliográfica que sobre “Libros para a igualdade, libros de Adela Turín” espúxose na sala infantil da biblioteca.

Formas de celebrar o entroido nos distintos pobos do mundo, mediante xogos e actividades relacionando as palabras de diferentes idiomas.