Día 26 de abril de 2013, ás 17:00, na biblioteca de Escairón

Para rematar as celebracións do Mes dos Libros (co Día do Libro Infantil e Xuvenil e o Día do Libro), recibimos a visita gran artista internacional Lilí Gruyére, da familia dos Ratos de Lonxedetodo (Trinketrinke) dentro do programa Ler conta moito, que nos deleitou con cancións, baile, contos e interpretación.

Pero iso non foi todo: para rematar presentounos a casa dos ratos, onde poderemos atopar tódolos contos que nos recomendan os ratiños da nosa biblioteca: Leo, Savinia, Tareixa e Rodolfo, que xa son moi coñecidos polos visitantes da biblioteca.

E como o mellor é dar exemplo, Lilí púxose a remexer entre os contos e por aclamación popular leunos un par deles. A verdade é que estes ratos teñen moi bo gusto lector!

Todo un éxito!

Continuando coas actividades con motivo do día do libro, o día 24 tocoulle o turno á ciencia con “A ciencia é divertida” a cargo de Nita. Foron dúas as sesións que realizou Nita, unha ás 18:00 horas para nenos ata 3 anos, e outra ás 19:00 horas para nenos a partir de 3 anos. Nita contaba un conto e despois facía unha serie de experimentos científicos relacionados co conto. Foi un gran éxito e unha actividade moi novidosa, que gustou tanto aos pais/nais como aos nenos/as.

A biblioteca municipal de Culleredo quere sempre celebrar o día do libro  realizando durante  unha semana diversas actividades para nenos e adultos. Este ano comenzou o luns día  22 de abril con “Mira como cho conto” a cargo de Xanela ocio. Contaron varios contos mentras ían debuxando os seus personaxes, paisaxes, etc. Os nenos tamén participaron debuxando.

Para celebrar o Día do Libro na Biblioteca de Ribadeo chegou Lilí Gruyére, gran artista internacional e habitante de Lonxedetodo, aldea dos Ratos de Biblioteca.

Tróuxonos un espectáculo cheo de poesía, música e tenrura que cativou ó pequeno público infantil. Os nenos e nenas participaron con entusiasmo na función, axudaron a Lilí, cantaron e seguiron os contos Turelí, turela de Elzbieta y Los pájaros de Germán Zullo y Albertine con moitísima atención.

Aprenderon a sacar o carné de socio da Biblioteca para levar libros para a casa e encantoulles o estante cos contos favoritos dos ratos. Pola tarde moitos volveron cos seus pais para levalos en préstamo.

A sala infantil da Biblioteca Municipal de Lugo encheuse de nenos e nenas o pasado 23 de abril para celebrar o Día do Libro. A mestra de cerimonias da celebración foi Larraitz Urruzola que chegou cos seus Babacontos.

Enseguida apareceu a súa acompañante, a simpática e coqueta Babamá, tan elegantemente vestida como a ocasión o requiría e acompañada dos seus cacharros. Moi pronto fíxose coa complicidade dos asistentes, encantados de compartir historias con tan curioso personaxe.

Contoulles de todo, contos de comidas, materia na que os nosos usuarios demostraron ser uns auténticos especialistas, contos que falaban de historias e cousas fantásticas… contos todos eles moi divertidos.

En fin, que todos pasamos unha tarde diferente cun personaxe entrañable que deixounos novas historias para contar e lembrar.

A historia do Aviador aterrou  o 16 de maio ás 18:00 h na Biblioteca Municipal do Grove de mans do Elefante Elegante

Entretido contacontos no que a narración oral veu acompañada pola manipulación de obxectos, as sombras chinesas, a marioneta de luva, a música, a xestualidade e a plasticidade do dispositivo escénico, creando un universo cómico, interactivo e poético onde se desenvolveu a obra.

Tratábase da historia do encontro dun aviador cun Moucho ao que, coma a todos os mouchos, lle gusta mais a noite que o día. Cando escurece, voaba dun lado para o outro, axitaba as ás e asubíaba como o vento, pero ao amencer, enchíase de tristura. Sentado na punta dunha póla, pensaba en como seria marabilloso que a noite nunca terminase. Por que sae o sol?  O Aviador vai tentalo todo para axudar ao Moucho, pero decátase de que non é posible vivir nun mundo sen sol?

O polifacético artista engatusou a grandes e pequenos cun ameno espectáculo no que as súas magníficas dotes narrativas e xestuais se combinaron coas sombras chinesas, as marionetas de luva e a música. Todo o público asistente gozou coas aventuras do aviador e o moucho, participaron activamente e interactuaron co narrador para axudar ao desenvolvemento da historia.

Ao rematar ninguén se quería levantar porque lles gustou tanto que querían máis.

A narradora desenvolveu unha sesión de contos onde se intercalaron relatos de temática relacionada con actividades cotiás ( a lactancia, a arte da baci) con breves historias de animais e cancións. Os elementos sonoros tiveron unha relevancia importante no desenrolo da sesión para captar a atención dos nenos.

Charo contoulles contos como “Adiviña canto te quero”; “El arte de la baci”; “O artista que pintou un cabalo azul”; “Maxia”; “La gallina feliz”; “El león remolón”

Ademais fixemos unha selección de libros para nenos de 0 a 4 anos e mostrámola na sala infantil da biblioteca. Recomendamos estas lecturas e animamos aos pais a que fixeran socios aos seus fillos e a que usen o servizo de préstamo da biblioteca.

A monitora Larraitz Urruzola da compañía Títeres Babaluva ensinou aos participantes a elaborar e decorar letras de cartón, utilizando a tipoloxía (tipo de letra) Gallaecia e decoradas con  diferentes deseños de cores, texturas e patróns, inspiradas nas simboloxías máxicas galegas, nas ornamentacións da cerámica de Sargadelos, na xoiería tradicional, na arquitectura e tamén na arte contemporánea galega.

Despois de ter estas letras decoradas conformamos a palabra TOUPORROUTOU, parte do título da peza de teatro para nenos de Roberto Vidal Bolaño.

Estas letras quedaron penduradas na entrada principal da biblioteca e serviranos de homenaxe a Roberto Vidal Bolaño, o autor ao que se lle adica o Día das Letras Galegas deste ano.

Durante a actividade e mentras respetamos os tempos de secado das  letras, incluso representamos un fragmento dunha obra teatral de Vidal Bolaño

Marisa Irimia contou un conto doutro lugar localizado na cidade de Medina.

O protagonista principal do conto foi un neno que se chamaba Salim e segundo avanzaba a historia ían aparecendo personaxes do interior dunha caixa vermella: unha ra, un dragón, unha serpe; e tamén obxectos como unha perruca e algúns instrumentos musicais exóticos.

Mediante este conto os nenos adentráronse noutro lugar e cultura, establecéndose comparacións entre as diferentes formas de vida duns lugares a outros con costumes e culturas moi diferentes ás nosas.

O 23 de abril celebouse o “Día Mundial do Libro” co obxectivo de promover a lectura e a industria editorial.

Para conmemorar esta data, a Biblioteca Pública Municipal do Grove acolleu un espectáculo de monicreques subvencionado polo Programa “Ler conta moito” da Xunta de Galicia.

Alicia no País das Marabillas a cargo de Titeres Cachirulo

A Biblioteca Pública Municipal do Grove celebrou o Día do Libro na tarde do 23 de abril, cunha representación de “Alicia no País das Marabillas” a cargo da compañía Títeres Cachirulo. Fantástica recreación para marionetas do espectáculo baseada no relato de Lewis Carroll Alice’s Adventures in Wonderland.

Conducidos polo Coello Branco, seguimos con expectación as aventuras da pequena Alicia nese mundo onírico e  fantástico que late debaixo da terra. Alí merendamos coa Lebre de Marzo, o Sombreireiro Louco e o Leirón. Xogamos ao cricket coa Raíña de  Corazóns e… coidado Alicia! estás a medrar de novo e caeremos todos polo chan!

Os nenos e nenas do Grove, acompañados de numerosos maiores,  tiveron a oportunidade de asistir a este entretido espectáculo e  pasárono en grande coas aventuras de Alicia e o coello branco nunha tarde amena e divertida. Ao rematar a actividade, os asistentes amosaron a súa satisfacción co desenvolvemento espectáculo, ademais de amosar o seu interese polas actividades programadas para os vindeiros días.