O xoves 23 tivemos unha visita moi especial e unha chea de contos con Manuel Solla!

Este venres, 24 de setembro, contamos coa presenza do contador Carlos Alba e a súa sesión de contos ” O que me contou a tía Caronda”, adaptacións de contos clásicos como Barbazul e Artur e Clementina; unha tarde divertida e entretida pero tamén formativa pois puidemos reflexionar a través das personaxes tradicionais dos contos sobre a igualdade de xénero e os seus diferentes  roles masculino/ feminino.

O pasado día 17 de setembro tivemos a oportunidade de pasar unha boa tarde amenizada por Esperanza Mara coa súa actividade de arrolos e cancións para bebés de 0 a 3 anos, acompañados de estimulación sensorial. Actuación innovadora con moi boa acollida por parte de nais e pais.

O 24 de setembro visitounos o Mago Paco co espectáculo “Maxia divertida 3.0”

Actividade dinámica e divertida. Durante todo o espectáculo o mago conseguiu arrincar moitos sorrisos e mantivo o público animado e participativo en todo momento.

O venres 24 de setembro estiveron na Biblioteca Municipal de Ordes. Todo un éxito. Música, contos, debuxo, arte…todo da man. Grazas ao grupo artístico e tamén ao noso público.  Desexamos repetir!!! Facendo biblioteca!

O pasado venres 24 de setembro tivemos no Auditorio do Concello de Pazos de Borbén a visita de AL GUANELLA co seu espectáculo “CONVERSAS CON TANA” ao que asistiron os alumnos de 5º e 6º de Primaria do CPI “Curros Enríquez” de Pazos.

Neste espectáculo teatral baseado na ventriloquía o granxeiro Al Guanella coa súa cadeliña TANA, mantiveron unha fluída e divertida conversa acerca de diversas cuestións caninas e humanas, na que se combinaron o humor, cancións, a ensinanza e a sensibilidade.

Grazas a AL GUANELLA e a súa cadeliña TANA por vir a Pazos de Borbén a ofrecernos un espectáculo tan participativo e divertido.

Ata a próxima.

O sábado 25 de setembro tivemos en Bergondo , este contacontos dirixido a nenos  e nenas de 0 a 3 anos.

Pasamos un rato moi divertido!

Obradoiro creativo de podcast. O obradoiro consistiu en  aprender a empregar as técnicas de teatro e dobraxe lendo en voz alta crear e gravar un podcast.  O obradoiro tivo gran aceptación nos nenos de 10 anos que quedaron con ganas de ampliar coñecementos.  Bo traballo de Damián Alonso.

O venres 24 nos visitou na biblioteca de Nós Xoan Curiel, quen nos relatou a historia de como empezara a gustarlle a música e como formou a súa primeira banda, incluso fixo que nenas e nenos se sentiran partícipes dela ao facerlle coros e o acompañamento de percusión.

O pasamos en grande coa música e cancións de Xoán, e puidemos bailar aínda que sen movernos do noso sitio. Foi unha tarde moi musical e divertida!

Monicreques, Maxia, Animación, Clown e Música en directo. A historia comeza cun libro “ Máxico Xigante” nos cales aparecen fantásticos personaxes, que nos contan as súas historias, realizando maxia e algunha trasnada que outra.      Unha tarde de humor e moitas, moitas risas.