O carismático artista Xoan Curiel amosounos o venres 16 de xullo en Parada de Sil qué doado e divertido é montar unha Banda de Verán chea de música e divertimento.

Paso a paso fomos aprendendo cada instrumento e cada estilo musical. Toda a rapazada da Axencia de Lectura de Parada de Sil descobrimos estilos musicais coma o rock, o pop, o rap, o reggae, a xota, a muiñeira, a rumba…

A través do seu conto fomos participando nun concerto onde todos nos activamos cantando, palmeando, taconeando e disfrutamos a tope.

Grazas Xoan por darnos marcha nunha tarde tan calurosa deste verán 2021!

Axencia Municipal de Lectura de Parada de Sil, apostando pola cultura viva no corazón da Ribeira Sacra!

Al e Tana fixeron que a mañá deste mércores  fose divertida coas súas historias e cuestións caninas e as súas grandes preguntas sobre o mundo da literatura.

Os nenos e nenas participantes gozaron activamente das súas cancións e coreografías.

Espectáculo pola igualdade de xénero, os traballos domésticos son cousa tanto de homes e de mulleres.

Hoxe as nenas e nenos de Coirós gozaron con “Circo na Casa”

Este venres, 16 de xullo, a actividade “Novos lobos” chegou a Portas, un espectáculo de narración oral e monicreques no que transmite aos cativos/as algúns contos da literatura popular pero  adaptados para transmitir valores-. O espazo no que sucede a acción é un pequeno refuxio da montaña no que un pastor está coidando das súas ovellas (o público).Os nenos/as de Portas pasaron  unha xornada moi divertida onde cantaron, divertíronse e sobre todo aprenderon valores de amistade, empatía, compañerismo, igualdade…

O obradoiro de marionetas de papel con Seisdedos Marionetas foi todo un exito. As pequenas e pequenos conseguiron facer as súas propias marionetas dando renda solta á súa imaxinación e creatividade. Durante esta actividade puideron por en práctica as súas habilidades cumprindo todas as medidas sanitarias, foi un pracer tervos aquí!

O 14 de xullo levouse a cabo a actividade: Experimentos sonoros con electromagnetismo, na biblioteca de Riós en Ourense.

Actividade que despertou moito interese pola temática e pola posibilidade de que os participantes poidesen interactuar entre eles e con Mateo (responsable de levar a cabo esta acción  na nosa biblioteca).

MOI INTERESANTE E MOI EDUCATIVA ESTA ACTIVIDADE. PARA REPETIR!!!

Xa pasou por Redondela á Peregrina Máxica! e deixounos unha interesantísima conxunción entre maxia, historia e curiosidades en torno ao Camiño de Santiago.

Bo Camiño, Leo Leiño!

Contacontos musicado sobre unha loba artista, acróbata e equilibrista que atópase no Camiño de Santiago.

O pasado domingo, 11 de Xullo, Xoan Curiel achegou a O Irixo o seu espectáculo “Como montar a túa banda de verán” onde os/as máis pequenos/as e as súas familias, cantaron, bailaron, desfrutaron e aprenderon como montar unha banda músical a que decidiron denominar “Explosión de imaxinación”

Un espectáculo moi divertido, para descubrir os sons e os ritmops musicais.

Pakolas e Laura Cerdeira ofreceron un gran concerto onte á noite na Casa da Cultura. Nen@s e maiores disfrutamos das coreografías e do rock de Pakolas así como os debuxos de Laura! Ao final os nenos e maiores puideron compartir un rato con Pakolas e, en definitiva, pasar unha tarde-noite moi amena.