Moitos foron os nenos e nenas que viñeron onte día 23 de Outubro a Biblioteca de Miño para disfrutar  das marionetas. Títeres Cachirulo  fixeron posible que esta tarde fora xenial.

Que animaliño é? Trémola Teatro na Biblioteca Emilia Pardo Bazán de Sanxenxo o mércores 16 de outubro.

É esta unha actividade para bebés pequerrechiños, de 0 a 3 anos que se achegan cos seus pais/nais a descubrir novos mundos na biblioteca. É certo! De feito, o máis pequeniño só tiña 15 meses. Aínda que tamén acudiron nenos maiores de 3, e mesmo máis maiores, maiores sí…. 10?…11? (Lembrade que a biblioteca permanece aberta a público)..E pensades que a estes máis grandes non lles gustou? Pois nada máis lonxe da realidade…. Gustoulles tanto como aos pequenos. A nós tamén nos gustou, por certo, e mesmo axudamos a cantar e deixamos que o corpo se arrulara co ritmo das cancións.

Acompañadas de instrumentos musicais: un xilófono e un ukelele e coa axuda dunhas marionetas ben feituquiñas, estas dúas rapazas de Trémola Teatro engaiolaron a todos os asistentes  xogando a descubrir os animaliños que se agochaban tras do biombo. Canta empatía e canta facilidade para conectar facilmente co público, facendo participar a todos. Unha actividade feita con moito cariño, tenrura e esmero. Graciñas!

Nesta actividade Juan, de Ciencia en ruta, é un científico que nos ven explicar todos os segredos do universo e nos presenta os astros e os seus movementos, fases e órbitas. Ademais fálanos das mulleres que marcaron a historia da astronomía coas súas aportacións a tan interesante ciencia e os obstáculos que tiveorn que superar por ser recoñecidas debidamente. Os asistentes aprenderon moito sobre astronomía cunha perspectiva de xénero e de xeito lúdico e divertido.

View this post on Instagram

Nestes momentos na biblioteca temos a @ciencia.en.ruta falándonos de astronomía e mulleres que marcaron a historia da mesma coas súas aportacións a tan interesante ciencia. Grazas a tod@s por vir e grazas ao programa de animación á lectura Ler Conta Moito, que nos trouxo esta actividade na que aprendemos moitísimo sobre os astros e o universo. #lercontamoito #abibliopréstame #esenciaperenne #abibliomola #contacontos #cienciaenruta

A post shared by Bibliotecas da Carballo (@bibliocarballo) on Oct 23, 2019 at 9:59am PDT

O pasado día 3 de outubro contamos coa presenza, na BPM Emilia Pardo Bazán de Sanxenxo, dunha persoa moi querida para nós que, ademais,    nos visita con moita frecuencia ao longo do ano. Falamos de Juste Kamishibai, Papel e Teatro, con quen xa temos contado en anteriores ocasións.

Este ano, Juan e Mónica trouxéronnos un espectáculo con marionetas de papel para falarnos da igualdade e da loita contra a violencia de xénero. Coa axuda de despregables Pop-Up e do teatro de papel, Juste foille narrando aos nenos diferentes historias a través do personaxe da “fada Menta” que ten como obxectivo educar na igualdade e na diversidade.

Hai que salientar que estas historias están baseadas no libro de contos de Gemma Lienas titulado “Libro das emocións para nenos e nenas”. E que a autora autorizou expresamente a esta compañía para representar os contos do seu libro en Galicia.

Noraboa!  a Juste e Mónica polas súas leccións de igualdade. Penso que a todos os participantes lles quedou ben clariño que “non hai cousas de nenos e cousas de nenas senón de persoas”.

Os corenta minutos de contos, con temática de igualdade, fixéronse curtos para as crianzas e as súas familias nos que tiveron participación activa, prestaron moita atención e pasárono de marabilla.

Este martes 22 de outubro foi unha tarde de concerto.

Con Pablo Díaz e a súa banda os máis cativos e tamén como no os maiores, cantaron o repertorio de Tic tac Toc.

Gran actuación  de música infantil para despedir esta tanta de actividades de animación á lectura.

O mates 22 de outubro, chegou a Biblioteca de O Froxel, “Fco. A. Vidal”, VIRAVOLTA co “OBRADOIRO DE TITERES DE VARIÑAS”.

A actividade consistiu en ensinar aos nenos como facer un monicreque de papel de forma personalizada e lograr que teñan movemento incorporándolle unas variñas na cabeza e a man para darlle mobilidade e expresividade.

O día 18 de outubro cometeuse un crime na nosa biblioteca. Os nosos usuarios máis novos foron capaces de resolvelo, coas indicacións que lles deu o noso amigo de ” Efervescencia”.

Tarde divertidísima!!!!!

Unha presa de contos, combinados con xogos, maxia e moita diversión  aliaronse para darnos unha estupenda lección sobre a igualdade de xénero. Ademais houbo merenda para todos.

O 17 do presente mes tivo lugar na nosa biblio un Obradoiro de stop motion. Os destinatarios foron os nenos de 5º de primaria que  a partires da combinación de literatura, fotografía  e uns debuxos crearon  imaxes en movemento. O obradoiro de noventa minutos, Minia Regos foi quen de trasmitirlle os nenos uns coñecementos básicos para crear  imaxes en movemento.