O xoves 10 de outubro o mago Richard visitou a Biblioteca Central Rialeda co seu espectáculo “Tecnoiguais”. Realizou divertidos trucos de maxia con barallas, paraugas, panos de cores, etc. a través dos cales coñecimos algo máis da ciencia. Porque coa ciencia e as/os científicas/os podemos pasalo xenial!.

O día 10 de outubro contamos coa actuación de María Faltri e Jorge Juncal co espectáculo “Soñando Inventei”, onde ela soña con sentirse en paz sin ser xulgada polo seu aspecto e decide emprender a súa viaxe cara ó cambio e manifestar o seu poder interior.

O mércores día 9 pasamos unha mañá moi divertida na biblioteca. Estiveron con nós Noa, Antón, Uxía, o avó, a profe… Pero antes de recibilos fixemos uns exercicios previos para atraer a imaxinación…

Espellos coas mans, mirándonos a nós e ás compañeiras e compañeiros.

Con imaxinación, ollos e escoita, fomos coñecendo a Noa. Descubrimos que lle gustaba moito xogar á pelota, e tamén ás espadas, ler cómics e asubiar.

Unha sesión moi dinámica e divertida, con xogos de linguaxe cun abano co que podemos crear ata un diccionario non sexista, repeticións de textos e coreografías, mímica, teatro e psicoloxía. Así fomos descubrindo que cada persoa é especial.

Moitos parabéns a Sabela Gago pola súa profesionalidade e bo facer!

O mércores día 9 compartimos na biblioteca contos e música pola igualdade.

Contos dramatizados foron dando paso a diferentes ritmos musicais. O libro dos porcos, O Gato lambón, Orellas de bolboreta, Os de arriba e os de abaixo, Chivos chivóns… ata formar nenas, nenos e maiores unha Orquesta de animais!

Magnífico, coma sempre, Pablo Díaz trouxonos un feixe de cancións do seu repertorio musical para pasar unha tarde moi divertida. E tamén bailamos!

Esta tarde na biblioteca de Monterroso,  visitounos o contacontos Elefante Elegante. Con música e un  Xigante  moi especial,  aprendemos a importancia de coidar a natureza que é esencial para o noso planeta. Pasamos unha hora moi entretida.

Compartimos con vos as fotos do obradoiro de onte!  Foi unha actividade moi orixinal na que creamos contos, fixemos ilustracións e finalizamos cun marcapáxinas moi orixinal e personalizado!

O menú cheo de contos foi toda unha sorpresa e a camareira e o seu axudante súper atentos! A conta foi pagada con moita alegría.

Moitas grazas ás persoas asistentes, coma sempre e moitas grazas aos amig@s de Andamiaxe porque nos fixeron pasar unha tarde moi divertida.

Na mañá do 5 de outubro Teatro Babaluva estendía  a súa “Alfombra máxica” na biblioteca F.D.G. do Barco. os meniños deixábanse engaiolar polo tacto, sons e olores deste singular tapiz, un divertido espazo de xogo no que podían moverse libremente e experimentar ao seu gusto

Onte, na axencia de lectura da parroquia de Castrelo en Cambados, os nenos e nenas desfrutaron dunha tarde moi entretida grazas ao talento de Pablo Sánchez. Levou a cabo un contacontos multidisciplinar, onde fixo unha reflexión divertida sobre a igualdade, que captou a atención de cativos/as, nais e pais.

O mércores, 9 de outubro, o grupo Aldaolado conseguiu que os rapaces e rapazas que acudiron á biblioteca a ver o seu espectáculo pasasen do silencio máis absoluto a grandes explosións de risas. A ovella Engracia e a súa compañeira de rabaño estaban durmidiñas cando entrou o público na sala. Fíxoo en silencio para non espertalas. Unha vez que estiveron todos e todas dentro, as ovelliñas foron espabilándose e empezou o show!!!

Engracia é unha ovelliña moi curiosa que quere saber o que pasa coa lúa cando se pon. Para descubrilo, terá que traspasar varios inconvenientes debido á súa condición feminina. Dunha ovella só se espera que estea xunto ao seu rabaño pastando no prado durante o día e ao resguardo durante á noite. O can que as cuida do lobo, sí que pode andar ceibe todo o día e vivindo aventuras. Así que, Engracia terá que romper moldes e pexuizos para cumprir o seu soño. Un espectáculo con moi boa posta en escena, no que a música foi a encargada de dar o efecto lúdico á xornada.