O xoves 18 os nenos que viñeron a biblioteca gozaron realizando un retrato de Carlos Casares. Representaron símbolos e imaxes da obra do autor: a galiña azul, Lolo e a súa bicicleta, laranxas moi laranxas… Entre os debuxos colocaron o nome do autor, para finalizar xogando cos adultos para que adiviñasen de quen se trataba.
Dentro dos actos conmemorativos do Día das Letras Galegas, os alumnos de 4º de ESO do CPI Xosé Pichel, en Coristanco, disfrutaron o pasado día 15 dun ameno e divertido obradoiro de improvisación en verso. Un excelente traballo que, sen dúbida, axudará a manter unha das tradicións máis populares da nosa comarca: a regueifa.
O pasado venres Fran e Filipa, da compañía Bandullo azul, fixéronnos unha viaxe polos contos tradicionais e o repertorio infantil de Carlos Casares amenizados con música e cancións en directo.
A sesión foi moi participativa e amena e os nenos estiveron encantados.
“Ler conta moito” tanto conta que incluso os xigantes o recomendan!
O sábado, 20 de maio, Gonçalo Guerreiro da compañía Elefante Elegante achegouse á Biblioteca de Ribeira para contarnos “O xigante”. Historias de presiosos xardíns gardados por xigantes, e de grandes lectores na procura das árbores dos libros, e de tantas e tantas cousas…
E dentro dunha maleta puidemos ver un mundo enteiro.
Moitas grazas a Gonçalo por facernos pasar unha mañá chea de ilusión e libros.
Vémonos na Biblioteca!
O xoves 19 de maio visitou a Biblioteca Pública Municipal de Viana do Bolo Xosé Carlos Caneiro, quen realizou unha interesante exposición da vida e obra do autor Carlos Casares.
A actividade contou coa presenza de numeroso público, na súa maioría alumnos e alumnas do IES Carlos Casares de Viana do Bolo
Maxia galega con moita dose de humor. Leo Leíño é unha maga libreira que con filtros e pócimas e cunha boa lista de trucos máxicos fixo crible o incrible nunha sesión fantástica moi participada polo público infantil
O 19 de maio levamos a cabo unha actividade moi dinámica e participativa con motivo da celebración do día das letras galegas 2017, adicado a Carlos Casares.
Nesta ocasión os rapaces e rapazas fixeron pictogramas sobre as obras infantís do escritor ourensán.
Foi unha tarde moi divertida na que os máis cativos desfrutaron moito.
O venres, 19 de maio, ás 12.15 h, o alumnado de infantil e primaria do CPI San Vicente gozou da actuación de Álvaro Muras e Martín Camiñas, un espectáculo de música e maxia a través da vida e obra de Carlos Casares, encadrado dentro da Semana bañense das Letras 2017. O auditorio estaba a rebentar de aplausos, gargalladas, ilusións, letras, sons, emocións…
Obradoiro de Carlos Casares.
Mirari e os nenos de Sada traballaron cos textos de “As laranxas mais laranxas de todas as laranxas” e a “Galiña azul” e fixeron este precioso mural.
O xoves 18 de maio 60 nenas e nenos de 2 a 6 anos e os seus adultos acompañantes disfrutaron na Biblioteca Municipal Os Templarios de Cambre coa música e as cancións de Mamá Cabra.
Música, teatro e danza están presentes nesta actividade.
Gloria Mosquera acompañada de Iago Rodríguez, ás teclas e percusións, fixeron un percorrido pola súa producción musical, ben coñecida e coreada polo público miúdo.
Unha fermosa tarde de música e baile para compartir.
Mamá Cabra, sempre magnífica!
Séguenos