O 25 de abril ás 17.30 h,  Pablísimo achegou á biblioteca municipal do Grove o espectáculo de narración oral “Cabicivai” .

Cabicivai é un espectáculo sobre rodas, unha bicicleta, un Kamishibai e tres caixóns dos que podía saír calquera cousa!!!.

O pasado venres 25 de abril pudemos desfrutar do lindo cos contos de Carmen Domech. Un espectáculo cheo de cor que fixo que a rapazada o pasase xenial. Mención especial á participación dos cativos durante toda a sesión.

Na BPM María Magdalena seguimos a festexar o día do libro dun xeito moi especial!

No obradoiro Maderacos demos vida a anacos de madeira, transformándoos en figuras únicas e cheas de maxia.

Primeiro puxemos a imaxinación a traballar xuntando pezas para crear formas sorprendentes e logo demos renda solta á creatividade coa pintura.

Foi unha mañá chea de cor e moita ilusión!

Fran e Filipa encandiláronnos cunha actuación moi entretida e dinámica, que xogaba coa participación activa do público para facer a historia moito máis interesante.

Que ben o pasamos este sábado 26 de abril no auditorio Baldomero Cores de Cee con Rús e o avó Carmelo! A rapazada de Cee axudoulles a rematar os contos para que todos tiveran un final como é debido. Un espectáculo moi orixinal para rematar a semana do Libro e da Lectura 2025 no Concello de Cee.

Foi xenial!

O pasado 25 de Abril ás 18h, tivemos a actividade «Chocolate co cociñeiro Antón e a pastelera Tomasa». Teatro e Manualidade Infantil para tódolos/as socios/as da Biblioteca (de 3 a 9 anos), previa inscrición a partir das 10h. do luns 21 de abril.

Sinopse: O cociñeiro Antón e a pasteleira Tomasa amósannos o divertido que é cociñar entre amigos, superarse xuntos e atreverse a afrontar novos retos.A pasteleira Tomasa contarnos como gañaron o Premio “Máster Comellón” grazas á súa orixinal receita “Brocheta de froitas da casa recuberta de chocolate fondue”.
Despois do conto realizamos un obradoiro de cociña de chocolate co público asistente.

*Nota importante: Tódolos pais/nais dos/as socios/as participantes deben indicar por escrito (documento na propia biblioteca) sobre posibles intolerancias alimentarias dos/as seus fillos/as.

Reel: https://youtube.com/shorts/IVeR3BWqq6E?si=HRrUWmD_-0OQuqU7

Imaxes Redes sociais:

– Facebook: https://www.facebook.com/photo?fbid=994624912875139&set=pcb.994625249541772

– Instagram: https://www.instagram.com/p/DI4PG83IEa-/?utm_source=ig_web_copy_link&igsh=MzRlODBiNWFlZA==

– X (Twitter): https://x.com/bibliotecaverin/status/1915819482863304795

O Mago Paco achegou maxía, contos e moita risa nun espectáculo onde os cativos/as  estiveron espectantes e moi participativos. A actuación que se realizou dentro  da programación do día do libro  tivo lugar o 24 de abril.

O venres 25 de abril, contamos de novo ca presenza de Alba Farto na Axencia de lectura da  Baña, co seu obradoiro creativo Debuxar letras.

Rapazada e persoas adultas, afondaron un pouco más nesta técnica que tanto lles gusta e entreten.

Actividade destinada a adultos co obxectivo de traballar a estimulación cognitiva. Os participantes partiron recortando unha imaxe sobre unha cartulina na que o debuxo aparece como un espazo aberto con zonas sólidas orredor. Unha vez feita a plantilla aplicada sobre un papel aplicóuselle á pintura sobre toda a superficie. O resultado foron bonitos e delicados debuxos nos que  existiu moita diversidade e diferentes niveis de acabados. Momento distendido e moi satisfactorio paratodos  os participantes.

Hoxe pasamos un anaco moi divertido co avó Carmelo e o seu can Rus. Que como é moi despistado e non lle dá xeito aos contos tiveron que axudarlos nenos e nenas de Chantada para que conseguise rematalos.