Na Biblioteca Pública Municipal José Saramago de Vite, en Santiago de Compostela, visitounos Elisabet Hillerud. Con ela, as usuarias da biblioteca tiveron ocasión de realizar unha homenaxe a Castelao a través da técnica de debuxo “Zentangle”, baseada na reprodución de patróns para compoñer o deseño. 

Arredor da oralidade e da tradición xirou a actividade realizada na Biblioteca do Barco o mércores 30 de abril, con Alba Grande Blanco e as persoas do “Taller de Memoria”.

Xograría, cántigas populares, contos tradicionais, historias de vida, lembranzas de onte e de hoxe , de cando marchamos, de cando quedamos e cando volvemos.

O martes 29 de abril visitounos Daniel Blanco con “Circo na Biblioteca”, onde despregaba con moita arte e sentido do humor o seu espectáculo de malabares con libros, pelotas,  equilibrio, escapismo…coa participación dos asistentes, neste caso, os membros da Asociación “Disvalia”. Moitas grazas a todos.

O martes 29 de abril  tivemos ocasión de rematar as celebracións  en torno ao día do Libro cun super concerto de animais. Son de animais da man de Paco Nogueiras resultou unha velada chea de música , baile participación  do público e como non de moitos animais…

Hoxe celebrouse unha actividade de animación á lectura moi divertida e motivadora para todos os asistentes. Ian e Elisa deleitaron aos asistentes cun espectáculo no salón de actos da Biblioteca Pública de O Vicedo onde mostraron as súas habilidades coa maxia, as sombras chinescas e…o humor.

Contos que florecen. Donde Viven los Cuentos, na Biblioteca Pública Municipal de Nigrán, martes 29 de abril.

Os máis pequenos e pequenas puideron coñecer as viñetas de Castelao e ademais experimentar as súas creaccións con tinta e plumas.Un obradaoiro/contacontos    moi orixinal e divertido.

Contacontos na Biblioteca Pública Municipal de Nigrán o venres 25 de abril, Elas sempre contan. Raquel Queizás.

O idadismo é un termo do que oímos falar cada vez máis, sen embargo, seguimos vendo situacións nas que non se escoita a opinión da xente nova ou non se contrata a unha persoa por ser “demasiado vella”. Neste obradoiro aprenderemos a detectar estas situacións que tan amiudo vivimos sen darnos conta. Pasamos un ratiño moi entretido con Alex da Sociedade Cooperativa Galega Atoupa, que nos deu  un feixe de exemplos e ensinanzas para a sua detección.

Para celebrar o día do libro 2025 os nenos e nenas da Fonsagrada maiores de 7 anos realizaron un obradorio onde coñécerón todalas etapas de elaboración dun libro e fixeron o seu propio libro que levaron para a súa casa.