A través da narración oral, monicreques, e a técnica de kamishibai Carmen Domech contounos historias fascinantes cheas de tenrura e amor pola natureza.

.

O día 23 de abril no Centro Sociocultural do concello de Bóveda, Violetta della Rocca achegounos ó mundo das sombras coas súas actividades pensadas para nen@s de 0 a 8 anos “Moitas formas de contar”

E tamén co obradoiro “Contamos con sombras”   para nen@s de 6 a 12 anos  no que participaron as persoas con diversidade funcional da Residencia de Bóveda.

Todo un éxito.

O sábado 2 de maio o rato Fuco e algúns dos seus amigos viaxaron dende Lonxedetodo ata a biblioteca Sada, onde lles esperaban máis de 20 nenas e nenos.
Houbo tempo para cancións, poemas e chistes, para participar, para aprender e para divertirse.

A de Trinketrinke Teatro é unha actividade entretida e didáctica que repetiremos seguro.

Da man de Lalá Teatro, coñecemos As Josefas.

Coa lingua galega como fío condutor, e a través da música, lendas e tradición, sérvenlle ao público para aprender máis sobre Galicia.
Unha actuación que resultou moi participativa por parte dos asistentes.

O venres 2 de maio, para conmemorar o Día contra o acoso escolar, na Biblioteca do Grilo-Cacheiras, un espectáculo que combina actor con monicreque e axuda á rapazada máis pequena a entender un tema tan complexo dende a comedia e o coñecemento da realidade que ten arredor. Desfrutamos tanto grandes como pequenos coñecendo as peripecias de Xurxo. Grazas a Malasombra Teatro por traer este espectáculo tan necesario

As peripecias de Xurxo na Biblioteca do Grilo-Cacheiras

As peripecias de Xurxo Biblioteca do Grilo-Cacheiras2

O 24 de abril, Día do Libro, acercouse pola B.P.M. Xosemaría Pérez Parallé o Mago Rafa co seu espectáculo de maxia “Abracalibro”. Unha actuación chea de maxia e contada con moito humor, que fixo gozar tanto ao público infantil como adulto. Unha boa maneira de celebrar o Día do Libro!

Na Guarda celebramos o Día do Libro cos “Contos do gato” de Bandullo Azul. Nenos, nenas e familias, disfrutaron dunha tarde divertida coas historias do gato Fazulas. Houbo música e moitas risas.

Na Biblioteca Pública Municipal José Saramago de Vite, en Santiago de Compostela, visitounos Elisabet Hillerud. Con ela, as usuarias da biblioteca tiveron ocasión de realizar unha homenaxe a Castelao a través da técnica de debuxo “Zentangle”, baseada na reprodución de patróns para compoñer o deseño. 

Arredor da oralidade e da tradición xirou a actividade realizada na Biblioteca do Barco o mércores 30 de abril, con Alba Grande Blanco e as persoas do “Taller de Memoria”.

Xograría, cántigas populares, contos tradicionais, historias de vida, lembranzas de onte e de hoxe , de cando marchamos, de cando quedamos e cando volvemos.

O martes 29 de abril visitounos Daniel Blanco con “Circo na Biblioteca”, onde despregaba con moita arte e sentido do humor o seu espectáculo de malabares con libros, pelotas,  equilibrio, escapismo…coa participación dos asistentes, neste caso, os membros da Asociación “Disvalia”. Moitas grazas a todos.