Día 11 de outubro de 2019 ás 18:00, na biblioteca de Escairón

Nesta mañá do venres 26 de xullo tivemos a visita dunha excepcional narradora e contadora de historias. Por medio dos ricos e variados matices da súa voz e contando co apoio gráfico das ilustracións Pop-Up, Fátima levounos por un fantástico percorrido de aventura  e imaxinación a través desas imaxes tridimensionais e sorprendentes que agochan algúns libros.

Os nenos e nenas do Valadouro coñeceron así o impuntual e cuentista Xacobe que sempre inventaba excusas para non facer o que lle dicía súa nai ata que coñeceu unha máxica receita contada polo avó para enfeitizar a unha mamá

Casa da Cultura de Valadouro

enfadada.

Tamén soubemos de Uxío e Antón, atrapados nunha disputa sen fin se as nubes que vían no ceo era un pato ou un coello…E que dicir da mosca namoradiza que intentaba sen moita sorte engaiolar a un caracol, unha bolboreta, un verme a ata un camaleón…Unha mañá divertida e amena da man de Fátima Fernández.

Día 19 de outubro de 2018 das 10 da mañá ata case a medianoite, na biblioteca de Escairón

Na Biblioteca Pública Municipal do Saviñao, despois do éxito acadado nas catro edicións anteriores, volveremos adiantar o Día da Biblioteca e celebrar o Día da Biblioteca – Noite na Biblioteca, con actividades de moi diverso contido, empezando con visitas escolares ó longo de toda a mañá e non rematando ata case a medianoite.

Este ano acompañáronnos o autor e intérprete Daniel Blanco Chapela de ThemomentoImpro e a narradora Fátima Fernández (ámbolos dous do repertorio do programa Ler conta moito), que visitaron a Biblioteca cun obradoiro teatral a partir de 10 anos e cunha sesión de contos para toda a familia.

Visitáronnos os estudantes de 4º e 5º de Infantil, que aprenderon onde están os libros axeitados á súa idade e como poden lelos ou levalos para a casa. Ademais, os de 5º e 6º de Primaria, aprenderon que, ás veces, nos podemos atopar con libros obsoletos, que conteñen datos incorrectos ou que están en mal estado, polo que despois de escoitar que se poden retirar da biblioteca, axudáronnos a seleccionar de entre algúns dos que tiñamos listos para retirar, aqueles que na súa opinión SI debemos retirar e aqueles que NON. Sorprendentemente, houbo algún bastante deteriorado que recibiu o seu indulto porque é moi divertido, tén debuxos moi bonitos e ademais pode axudar ós máis pequenos a aprender. Algún, aínda que está moi chulo, está demasiado vello e roto, polo que non queda máis remedio que retiralo. Grazas por axudar á biblioteca coa difícil tarefa de expurgo (que é como se chama a esta retirada de libros), pois a opinión dos principais destinatarios dos libros que analizamos é moi importante.

Despois das visitas guiadas do mediodía, ás 17:00, xusto antes de empezar cos obradoiros de tsumami e de imrovisación teatral de Daniel Blanco, tivemos videoconferencia con Loli, a nosa querida monitora de origami desde Escairón a Kioto (Xapón).

Logo da merenda, continuou o obradoiro teatral e tivemos contacontos cunha eiruga moi larpeira, que rematou cun obradoiro de manualidades e un xogo de mesa.

Cando ás 21:00 chegou Fátima Fernández cos seus contos quedamos todos e todas coas bocas e as orellas moi abertas, menudas cousas que nos contou! Superxenial e megafantástico ou megaxenial e superfantástico, en palabras dalgúns participantes.

Despois de cear unhas deliciosas pizzas, adentrámonos no mundo de Harry Potter e o quidditch establecendo un torneo entre todas as casas de Hogwarts.

Rematamos a festa case á medianoite coa promesa de volver á biblioteca atopar novos misterios, aventuras e sorpresas.

Como vén sendo costume, pais e nais tiñan máis ganas de ir durmir que os máis pequenos da casa.

Esperamos que o pasarades ben e que sigades con ganas de visitar a vosa biblio. Nós xa estamos pensando como celebralo o próximo ano.

Agradecemos de corazón a vosa participación nas actividades e esperamos que o pasarades moi, moi ben.

Un contacontos cheo de maxia e emotividade o que gozamos na Biblioteca de Chapela a pasada tarde. Varios son os motivos que fixeron de este encontro coa literatura oral unha xornada para ter nos nosos recordos.

En primeiro lugar, porque nos atopabamos na véspera celebración do 50 aniversario das Bibliotecas Municipais de Redondela.

En segundo lugar, e máis especial aínda, polo que supuña para a contadora, a magnífica Fátima Fernández, de cara ao seu regreso ás sesións de contacontos, logo dun tempo de necesario parón. Sentímonos moi ledos por converternos nese escenario máxico para a contadora, que recibiu un recibimento moi caloroso por parte do público.

Pero, quizáis, o motivo máis especial que nos enche de emoción foi atopar a satisfacción dos asistentes á actividade. Ademáis de público que asistía de xeito particular, contamos cun grupo de socios e socias de UDP (Unión Democrática de Pensionistas) de Redondela, que xa teñen repetido a experiencia de asistir aos espectáculos de narración oral connosco, e tamén cun grupo de usuarios de Hermanos Misioneros, de Teis-Vigo, que se achegaban por vez primeira á biblioteca.

Ver e vivir a satisfacción destes participantes foi un motivo de grande gozo para unha rede de bibliotecas que ven de cumprir o medio século.

VER + NO BLOG DAS BIBLIOTECAS: http://bibliotecasredondela.blogspot.com/2018/09/os-contos-da-nai-da-mina-nai-narracion.html

Día 10 de abril de 2015 ás 17:00, na biblioteca de Escairón

Celebramos o Día do Libro Infantil co contacontos Érase unha vez uns zapatos… de Fátima Fernández, dentro do repertorio do programa Ler conta moito.

Fátima presentouse e rapidamente se puxo “á faena” co seu mandil de zapateiriña remendona contadora de historias.

Así aprendemos que os zapatos FALAN! Si, falan. Por exemplo, os de Laura, dixéronnos que ela sempre pisa un zapato co outro e que nunca os limpa con crema. E como é que o sabemos?, pois porque Fátima é neta de zapateiro e aprendeu a lingua dos zapatos desde moi nena e fíxonos de tradutora.

Coñecemos a historia dos zocos dun neno que non os podía poñer para ir ó galiñeiro co seu pai (para que non se mancharan). E eles querían ir porque lles dixeran que as galiñas contaban unhas historias marabillosas. Así descobrimos como se deu por primeira vez o caso dun galo incubando un ovo e todas as peripecias que viviu ata conseguir que nacera o poliño! E vimos en vivo e en directo como o Galo Aarón foi papá!

Descobrimos sentimentos e o significado das cores para o monstro das cores, amigo de Tamara.

Rimos moito coas historias, tanto que case choramos coa risa e ó final resulta que case todos tiñamos a cor rosa (do sentimento do amor) e verde (o sentimento da calma).

Desde logo, a sesión foi espectacular e moi divertida. Agardamos tela pronto de volta con máis historias.

  Este luns os maiores de Chapela se achegaron a coñecer a biblioteca grazas a un contacontos ofrecido por Fátima Fernández.

Fátima Fernández se achegou á biblioteca para traer os seus Contos Susurrados. Neles cabe todo: historias tristes, historias románticas, historias de risa, historias tenras, e historias disparatadas… Todas elas baseadas na tradición oral, e nas lembranzas da vida da mariña lucense.

Ver máis no noso blog: http://bibliotecasredondela.blogspot.com.es/2014/10/fatima-fernandez-achegalles-contos-aos.html

Continuando coa nosa Choiva de Contos, Fátima Fernández veu o pasado sábado 8 de marzo a contarnos os seus Contos susurrados.

Contos susurrados na Biblioteca Ánxel Casal

E mentras Fátima conta estas historias, as figuras do conto van saíndo das súas mans.

Historias no aire dos Contos susurrados