Na tarde de onte, martes 27 de maio, Lupiña estivo con nós na Axencia de Lectura de Baio coas Aventuras na Cociña.  

E trouxo uns personaxes moi curiosos..

que fixeron que estivésemos moi atentos/as

Os nenos e nenas de Salceda de Caselas pasaron unha tarde moi divertida no Recuncho dos contos, descubriron un mundo de creatividade e expresividade co que quedaron máis que abraiados

O sábado 24 de maio ás 12:00 estivo connosco unha vez máis Fátima Fernández que deleitou aos presentes cunha selección de contos como ela sabe facelo.

Incluímos unha imaxe da sesión.

Esta actividade é a derradeira das organizadas dentro da programación de Ler Conta Moita.

Trinketrinke Teatro na biblioteca de Padrón

O día 27 de maio ás 18 h. na Biblioteca Municipal de Padrón gozamos do contacontos teatral Aventuras na cociña. As verduras convertéronse en personaxes de conto, e o rato de Lonxedetodo deunos uns consellos alimenticios moi saudables.

O pasado venres día 23 de maio volveron vistarnos os Ratos de Lonxedetodo. E como sempre que nos visitan, o cheo e a diversión están garantizados. Lilí Gruyere chegou á mediateca para promover hábitos saudables na alimentación dende os contos e fomentar o uso da biblioteca e a lectura, obxectivos de “Aventuras na Cociña”, contacontos teatral protagonizado polos Ratos da Biblioteca.

Para complementar esta visita acompañamos cun centro de interese con libros de cociña para  que os  máis novos da casa poñan en práctica todo o aprendido da grande Lilí.

Nenos entre 4 e 6 anos compartiron un obradoiro creativo cos pelelliños na Biblioteca Pública Municipal do Vicedo. Todos levaron debuxos feitos polo ilustrador que se mostrou moi participativo  e conseguiu empatizar perfectamente cos nenos. Unha actividade moi divertida e creativa.

O mércores 21 de maio, dentro das celebracións das Letras Galegas, Gonçalo Guerreiro, da compañía Elefante Elegante, visitounos co espectáculo “O lobo bobo”. Foi unha estupenda actividade da que os máis pequenos non perderon detalle.

O 25 de abril, dentro das celebracións do Día Mundial do Libro, recibimos a visita de Fátima Fernández que nos trouxo a actividade “Érase unha vez uns zapatos…”. Fátima contounos varias historias e os pequenos divertíronse un montón.

Este xoves pasado, día 22 de maio, os nenos e nenas de Ponteareas puideron gozar da presencia da ilustradora Noemí López, quen lles achegou aos nenos os segredos para ilustrar un conto. Gustou moito.