Desfrutamos cos ‘Contos ao revés’ de Xanela Ocio, nos que deron a volta aos roles dalgúns contos e relatos moi coñecidos, traballando con empatía e efectividade a igualdade de xénero.

O ALUMNADO DE EDUCACIÓN INFANTIL GOZA COS CONTOS MUSICADOS

O alumnado de 0 a 3 anos, gozaron cos contiños acompañados de música, que a compañía Migallas Teatro presentou en Rois o pasado 27 de abril.

Ver a bebés completamente absortos no espectáculo, amosa a maxia das verbas e da música.

O espectáculo rematou con baile e festa rachada a ritmo da Saia da Carolina.

Paco Nogueiras fixo vibrar Rois co seu espectáculo Brinca Vai! De aquí a acolá, o pasado 4 de maio.

O alumnado de 1º e 2º ciclo de educación primaria do municipio, gozou coa música onde se narraban as distintas celebracións festivas do noso país: o Samaín, o Entroido, o Nadal, desde diferentes estilos musicais (reggea, hip hop, electrónica, folk…).

Un espectáculo no que Paco Nogueiras, enche o escenario acompañado da súa máquina!

O Sábado 9 de maio ás 12 h. Os contos de Pablísimo tróuxonos a Biblioteca a actividade “¡Rás! contos batracios” : unha serie de relatos curtos que ían acompañados de monequiños e instrumentos musicais como campaniñas ou carrillóns. Algúns deles foron narrados cantando con retrousos que coreaban pais e nenos. Gustou moito aos nenos e nenas que estaban moi atentos, riron e participaron na actividade.

Foi unha actividade moi entretida que gustou moito ós máis pequenos. Poideron aprender trucos, fixeron maxia e sobre todo, riron moito

Raquel Queizás visitounos coa Maleta da avoa, na que traía un lote de contos e historias como as que a súa avoa Brígida contáballe cando ela era unha nena pequerrechiña. “Eu non conto contos, nena eu conto VERDADES”… Así comezaban as historias  a calquera hora do día, almorzando pan con leite, lavando a roupa no río, debullando millo.

Os nenos e nenas estaban moi atentos ao que dicía Raquel Queizás e participaban en todo o que ela lles propoñía : cantar, subir ao escenario, etc.

A todos gustounos moitos porque Raquel domina a escena e coñece unha morea de historis e contos da tradición oral.

Para saber máis sobre este evento clicar neste enlace.

O venres, 8 de maio ás 18:00 horas, Magín Blanco congregou a un grande números de nenos acompañados de nais, pais, avoas e avós, que disfrutaron e participaron moi activamente nesta interesante proposta de narración musical

O sábado 9 de maio Polo correo do vento achegou ata a Axencia de Lectura de San Vicente o seu espectáculo “A volta ao mundo en oito máquinas”.

Un contacontos ilustrado e musicado que trata sobre unha viaxe arredor do mundo e que homenaxea autores como Julio Verne, os Beatles ou Marilar Alexandre, que rematará cun obradoiro de debuxo sobre un personaxe da historia.

Ao final do contacontos, grandes e pequenos aprenderon a debuxar unha personaxe do conto e colorearon diferentes escenas do mesmo.

Outra fantástica mañá de sábado na Axencia de Lectura de San Vicente

Día 8 de maio de 2015 ás 17:00, na biblioteca de Escairón

Para desatar a imaxinación para participar no Certame de Narración e Debuxo Infantil Letras Galegas 2015, contamos coa actividade Títeres nas mans con Larraitz Urruzola, dentro do repertorio do programa Ler conta moito.

Consistiu en pintar na man personaxes imaxinadas, darlles vida coa manipulación e a voz a eses monicreques, e xogar a contar pequenas historias inventadas polos participantes. Tanta foi a imaxinación que ata creamos un parque infantil cun bambán, o castelo dun fero dragón, unha cabana para agocharse do dragón e un tobogán, feitos cos materiais que atopamos na sala durante a actividade (envases das pinturas, mesas e sillas da biblioteca).

Tamén houbo un gran río no que todas as personaxes creadas se bañaron e xogaron.

Xogamos moito, e para a foto de recordo de todas as personaxes, estabamos un pouco tristeiros porque se acababa a festa.