OLYMPUS DIGITAL CAMERA

OLYMPUS DIGITAL CAMERA

O día 20 Teatro Calavera tróuxonos a divertida historia do cocineiro Antón e a pasteleira Tomasa, rematando a sesión cun rico obradoiro de decoración de madalenas con pasta de azucre.

Unha excelente actuación e un taller moi ben realizado.

Paco Nogueiras fixo brincar a cativ@s e maiores co seu  Brinca Vai! Durante máis dunha hora, o pasado martes 26 de maio (18:00h.), este fantástico artista, non permitiu que ninguén se quedase parado. Nen tan sequera as altas temperaturas, desanimaron ao numeroso público asistente, non cabía unha agulla.

Elefante elegante presentounos o seu espectáculo “Lobo Bobo” unha nova versión dos contos tradicionais coa que todos os nenos (e non tan nenos)  gozaron e sorprendéronse. Un dez para Lobo Bobo!!

A actividade consistiu nunha combinación de música, animación á lectura, humor e maxia. Tódolos nenos que asistiron á actividade participaron no espectáculo. Ó final rematou cun truco de facer neve; un final alegre que deixou un bo sabor de boca.

O día 23 de maio os nenos disfrutaron dun taller sobre o proceso de ilustración dun libro impartido por Óscar Villán, explicando o proceso de ilustración dun libro a través do seu traballo e con debuxantes con estilos e puntos de vista diverxente, coa intección de mostrar o amplo abano de posibilidades que ofrece o mundo do debuxo.

A Axencia de Lectura Fundación Ferama acolleu o día 29 de abril ás 18.00 horas, e dentro do mes do libro, unha sesión de contacontos moi especial a cargo de Xanela Ocio con ” Contos ao Revés”.

Os nenos e nenas que non quixeron perder esta actividade disfrutaron moito escoitando e vendo como os personaxes dos seus contos favoritos cambiaban os seus papeis. Contos clásicos onde as bruxas son boas, os lobos non son tan malos e os príncipes menos azuis, toda unha lección de igualdade e respeto.

O sábado, 23 de maio, ás 12.00 h os nenos e as nenas agardaban no Recuncho dos libros infantís a entrada de Magín Blanco.

Se os libros están encantados é que Magín debe ser mago… E a maxia comezou cando a imaxinación nos levou a B612 co Principiño, e para demostrar o moito que sabemos do Universo cantamos a canción dos planetas con Magín.

Despois contamos contos, falamos e cantamos en italiano, unha mamá traduciunos unha canción en inglés, todos os nenos e as nenas pasaron un tempo magnífico cando escoitaron e corearon as súas cancións favoritas de María Fumaça, A nena e o grilo, Rosalía pequeniña… contos, cancións, adiviñas. Unha mañá chea de contos para cantar.

O venres, 22 de maio, tivemos a Manuel Solla na nosa biblioteca contándonos contos sobre animais que tiñan poderes, ratos de biblioteca ou libros que, por arte de maxia, enchíanse de debuxos.

A actuación foi moi participativa facendo interactuar aos nenos e nenas que gozaron co espectáculo.

O venres 22 de maio, na biblioteca de San Pedro de Nós, asistimos a unha clase maxistral  de Contacontos da man de Pablísimo.

Cunha habilidade increíble, conseguiu arrancar as gargalladas de grandes e pequenos.

A posta en escena estivo moi ben traballada : instrumentos musicais moi orixinais, cantar de cego ilustrado con viñetas, xogos coas letras…

Ademáis de divertida, a actividade resultou moi enriquecedora para o público asistente xa que introduciu partes da literatura tradicional como a literatura de cordel que de seguro que as rapazas e rapaces non coñecían.