Na tarde do mercores tivemos na Biblioteca Pública Municipal de Ponte Caldelas o contacontos Conto Express no que Ranpunzel e Grettel Chanetti chegaron en bicicleta a biblioteca con contos express e precisaronn da colaboración dos nenos e nenas de Ponte Caldelas para axudar a Camilo Comilón a cociñar os alimentos que lle dan os seus amigos e prepararán saborosas receitas.  Os rapaces disfrutaron coa activudade. E de sobremesa, suxestivos petiscos doces, tirados do libro Contos silenciosos.

O luns 24 de agosto as 10.30h realizouse un obradoiro dentro do programa “Ler conta moito” na Biblioteca Municipal Sagrada Familia de A Coruña, impartido por Manel Cráneo. Os 15 nenos que participaron con idades comprendidas entre os 6 e 10 anos, deseñaron personaxes que posteriormente trasladaron a chapiñas que levaron consigo para a casa.

Alén diso tamén puideron comprender a Saga de Pichük e todos os personaxes do Planeta Mincha de mans do propio autor: escoitaron a narración dunha das obras, ollaron os borradores das ilustración e visualizaron o tráiler dos futuros debuxos animados etc.

O Luns 24 de agosto as 19.00h recibimos a visita de Raquel Queizás  na Biblioteca Pública Municipal de Ponte Caldelas facendo desfrutar aos asistentes que lembrarán esas lendas e historias que escoitaron arredor do mundo.

Os nenos de Cordeiro, Valga, con Minia Regos e durante catro sesións, realizaron un obradoiro onde afondaron nas súas capacidades creativas, dende diferentes actividades relacionadas coa creación da imaxe en movemento a partir da imaxe fixa (coa técnica Stop Motion). Conectamos aos nenos co mundo do cinema, da fotografía, a literatura e as artes plásticas.

A actividade comenzou ca busca, na biblioteca, de libros de contos nos que basear as películas, que foron realizadas con debuxos e plastilina.

Este mes na Biblioteca Municipal Infantil e Xuvenil da Coruña indagamos sobre isto co conto de Selma, de Jutta Bauer, ao que lle demos vida en stop-motion nun obradoiro de LerContaMoito grazas a Illa Bufarda e ás súas integrantes, Sabela e Adriana.

Os rapaces e rapazas que asistiron puideron crear os personaxes un a un, as súas voces, e tódolos escenarios do conto para mostrar que é a felicidade para Selma, que podedes ver na montaxe final.

E para vós, que é a felicidade?

Os nenos de Valga, da man de Xulio Varela, se internaron en Internet e a través dunhas pistas e dun mapa que Xulio lles deu conseguiron encontrar o tesouro.
Divertido xogo de pistas que promove a aprendizaxe a través de internet dunha forma lúdica e segura.

A Biblioteca Municipal Forum Metropolitano acolleu un taller de iniciación ao Manga este xoves 20 de Agosto ás 11:30 h. Esta actividade forma parte do programa de dinamización lectora da Rede de Bibliotecas de Galicia, Ler conta moito. Estaba dirixida a mozos/as a partir dos 9 anos e impartiuno o estudo especializado en manga “Cerditos de Guinea”.
Traballamos nos pasos básicos e conceptos principais do manga e nas técnicas e materiais usados polos profesionais xaponeses.

O máis delicioso e divertido menú para todas as idades