O martes 19 de abril para celebrar o día do libro na axencia de lectura de Guillade recibimos a Pinga Teatro. Mais de trinta persoas gozamos con dous contos moi entretidos e dinámicos : a toupiña que quería saber e outro dunha bruxa malísima.

Despois, coa participación activa do público, continuou a actuación cunha interpretación de guitarra inesquecible.

Guitián e Leandro comezan co interrogante de  que é o humor gráfico para deseguido facer un percorrido pola obra e as principias características dos grandes humoristas gráficos: Castelao, Charles Addams, con quen diferencian o humor negro do humor absurdo, Chumy Chúmez ou  Forges.

Resaltan en todo momento que para facer humor gráfico no é necesario debuxar ben, pois o que interesa é a idea, que debe prevalecer sempre sobre a forma. Moi importante para un creador é saber mirar.

Continúan o percorrido con Quino, Ann Telnaes, Saúl Steinberg, as viñetas de denuncia social de El Roto, as da retranca de Xaquín Marín, o humor irónico ou cinismo ilustrado de Banksy, o humor negro de Joán Cornellá ou o máis amable de Liniers.

Así, ata chegar ao humor gráfico con e a través do móbil, o que está na rede, os  “memes” e “trollfaces”.

O meme é unha imaxe recurrente con distintas frases. Funciona por acumulación e ten sentido por acumulación.

Neste punto sinalan unhas interesantes diferencias entre o chiste gráfico e o meme.

O obradoiro remata cunha parte práctica. Cada participante ha de crear frases inxeniosas a diferentes imaxes, e como punto final realizan montaxes fotográficas cos móviles.

Actividade cunha valoración excelente polos participantes.

En resumo, un obradoiro que resulta moi interesante e atractivo para realizar coa mocidade.

Magín chegou en globo dun planeta moi lonxano para presentar en Vimianzo os seus libros e cantar unhas cancións cos nenos e nenas das escolas infantís. Cantaron cancións de “A nena e o grilo” “Gatuxo” e remataron cun poema musicado de Manuel María

O mércores 21 de Abril na Biblioteca Municipal Fórum Metropolitano da Coruña, tivemos un obradoiro de ilustración creativa arredor da figura duns divertidos personaxes de conto: os Pelelliños.

Da man do escritor e ilustrador Anxo Fariña, neste obradoiro, enmarcado dentro do Programa Ler conta moito, inventamos novas historias e deseñamos novos Pelelliños cunha chea de debuxos e risas.

A actividade está enmarcada dentro da Mostra Bibliográfica #Ilustrarte, na Biblioteca do Forum Metropolitano,  dedicada ós ilustradores galegos.

Obradoiro de iniciación ao manga (BD xaponesa).

GoChi comeza dando unha visión xeral deste tipo de publicacións no pais de orixe: Xapón.

Proxecta diferentes vídeos nos que aparecen os distintos estudios de traballo dos “mangacas”, comentando o proceso de creación desde que se inicia ata a publicación final, pasando polo coloreado e tramado de cada páxina.

Mostra tamén en vivo os diferentes tipos de plumas, lápis e rotuladores que se utilizan en cada parte do proceso gráfico.

Destácanos  a utilización das tramas, e de cómo moitas veces se convirte nun proceso de gran virtuosismo.

Descúbrenos que os creadores de manga realizan un traballo moi tradicional, moi manual, sen procesos dixitais.

A última parte do obradoiro ten un carácter máis práctico, coa creación de personaxes, sobre o que nos da unhas claves que resultan moi útiles.

A avaliación do obradoiro por parte dos participantes resultou excelente e no seu conxunto valorada como moi interesante.

Nesta semana do libro que estamos a celebrar na nosa biblioteca, quixemos sumarnos ao IV Centenario de Cervantes con este magnífico espectáculo, a cargo de Chrystyan Magic.

O día 18 de abril tivo lugar na nosa biblioteca Xosé Cardeso Liñares, una actividade para bebés. Nenos e pais cantaron, bailaron , xogaron coas cancións do cancioneiro popular galego.

Xurxo Souto cunha adaptación do seu espectáculo Océano para Terrícolas pechou na Biblioteca Municipal Ágora de A Coruña unha actividade de colaboración de varias sesións entre o colectivo da UDC 1AUN máis a Asociación de Veciños Loureiro de Visma e o CEIP San Pedro de Visma que serviu para coñecer mellor a historia, toponimia, sons e evolución do barrio no que viven.

O 19 de abril estivo con nós na biblioteca de Noia Raquel Queizás, Raquel amosou unha excelenete conexión cos cativos, ilustrounos con distintos instrumentos musicais populares de varios continentes, Kalimba de Africa. Marca de America Latina, Matófono instrumento Rioplatense, poidemos escoitalos e tamen participar directamente coas nosas mans.

   Preciosa foi a interpretación dos distintos aparellos cotidians que temos nos nosos fogares, a través das súas verbas convirteunos en animais, divertímonos moito.

    Grazas Raquel.

Un coleccionista de sombreiros, conta contos e historias que lle sucederon a varios sombreiros que el custodia a maiores e nenos en Boimorto.