O día 24 celebramos o Día do Libro na biblioteca municipal de Oroso co espectáculo “Rosa Caramelo” de Talía Teatro. Os nenos desfrutaron coas historias de Rosa Caramelo, La historia de los bonobos con gafas e Artur y Clementina de Adela Turín.

Espectacular actuación de Cucarandainas con “Contos de peto”, cunha impresionante xesticulación que abraiaba os pequenos con contos de temática moi variada, alucinante a actuación da contadora que nos deixaba con ganas de mais.

Para recomendar e repetir….. simplemente impresionante!!!!

Onte celebramos o Día do Libro coa visita de Teatro Calavera que encheu a biblioteca de historias, cores, cheiros e sabores facéndonos pasar unha tarde moi divertida.

O cociñeiro Antón e a pasteleira Tomasa contáronnos as súas aventuras na procura do chocolate e a súa chegada á illa de Santo Tome. Unha vez conseguido, trouxéronnos un pouco para bañar con el unhas deliciosas orugas elaboradas con froitas.

O espectáculo Filipa cos contos, a cargo de Bandulo Azul, achegouse á Biblioteca Municipal do Vicedo, concretamente ao salón de actos anexo e contou cunha moi numerosa asistencia de nenos e nenas acompañados polos adultos. Durante case unha hora houbo moita animación, música, contos e risas aseguradas tanto entre os nenos e nenas como nos propios adultos. Foron contados varios contos, cantouse xunto co actor e, en definitiva, pasaron unha boa xornada de tarde entre todos animándose mutuamente a ler e utilizar a Biblioteca do Vicedo.

O día 5 de abril, dentro das celebracións do Día do Libro Infantil recibimos a visita de Charo Pita coa súa actividade “O curral de cocoricoricó”. Os pequenos de 0 a 3 anos e os seus pais e nais pasaron un bo intre coas historias e cancións de Charo.

Unha tarde moi participativa chea de actividade e emocións, na que viaxamos polos distintos continentes recollendo un conxunto de historias narradas e musicadas da man de Andrea Vázquez, acompañada dos seus amigos “Os Piñeiriños” cos nenos e nenas da Biblioteca Pública de Meis.

Na véspera do Día do libro , puidemos desfrutar na Biblioteca do Grilo-Caheiras das “Parábolas de Pakolas”. Trátase dun espectáculo no que Paco Cerdeira interpreta en directo unha escolla dos seus temas para público infantil, con música rock e máis estilos que entusiasman aos nenos e ás nenas. Combínanse as cancións coas historias que nelas se recollen cunha mensaxe final, formando así unha fermosa parábola da que aprender e na que pensar. Nin a calor desanimou á rapazada. Puro rock…

ANDREA E OS SEUS CONTOS

Celebramos o día do libro con Andrea Vázquez e o seu espectáculo Mergullámonos? Todos os rapaces gozaron das súas viaxes imaxinarias e as súas historias. Grazas Andrea!

O pasado sábado 22 de abril, celebramos no concello de Ames o día do libro, coa actividade “Literatura na praza”, na que participou entre outros Carmen Domech a súa cabra Micaela contando uns contos que encantaron a todos e fixeron rir os máis cativos.

A utilización de diferentes soportes visuais para cada conto fixo que os rapaces mantiveran a atención durante toda a actividade.