Para celebrar o Día do Libro o luns 24 de Abril as 11 da mañá, contamos con Migallas Teatro coa obra “Os contos do Chupete” na Biblioteca Pública Municipal de Santa Comba.
Asistiron os nenos/as pequeniños/as dos colexios da localidade. Cunha sesión de contos de literatura infantil, música en directo, expresión dramática …Resultou ser un éxito total.
Para rematar as actividades programadas arredor da data do “Día do Libro”, contamos hoxe na biblioteca coa actividade “Á escena contos!”. A mellor parte de calquera espectáculo é crealo, e iso é o que se fixo nesta actividade de “Ler conta Moito” . 16 nenos dos últimos cursos de primaria, dos colexios Manuel Respino e Pablo VI-Fátima crearon un pequeno espectáculo audiovisual a partir dunha historia: os personaxes, escenario, música, e o mellor de todo levaron a escena o conto de “monstros” para todos os compañeiros. O resultado quedou moi gracioso. Os nenos aprenderon a preparar unha historia e contala, para deste xeito poder repetir a experiencia cando, como e onde queiran, só precisan de dúas ferramentas: a creatividade e unha historia!
O sábado 22 de abril, véspera do Día do Libro, tivemos na Biblioteca de Muxía a Xosé Tomás cun obradoiro de ilustración.
A actividade foi moi divertida e participativa e os nenos e nenas quedaron moi satisfeitos. O ilustrador Xosé Tomás compartíu con eles estratexias para facer caricaturas, para debuxar personaxes, colocar ben os rasgos etc…toda una lección maxistral e divertida. Tamén coñeceron algúns libros deste ilustrador que temos na nosa biblioteca.
O Concello de San Sadurniño continuou antonte a programación iniciada o venres para celebrar o Día Internacional do Libro. Se ese día “Dada o Duende” deleitou cos seus contos á rapazada de entre 8 e 10 anos, o luns 24 de abril tocoulle a quenda a Artur Trillo con “Rosa Caramelo e outras historias”… historias ben entretidas e todas en clave de igualdade que se representaron para o alumnado máis pequeno do CPI.
Rosa Caramelo é o título dunha obra publicada en Italia hai máis de catro décadas que conta a historia dunha elefantiña que se rebela contra a tradición de que as elefantas teñan que medrar nun cercado, cheas de lazos de cor rosa, comendo flores e coidando a súa pel rosada.
Artur Trillo -dirixido por Paula Carballeira- conta tanto esta como outras tres historias combinadas con música en directo que axudan a crear unha atmosfera adecuada “para desmontar unha serie de ideas impostas e simplificadas, pero fortemente asumidas, sobre actitudes e aptitudes das mulleres e dos homes”.
A montaxe “Rosa Caramelo e outras historias” busca deste xeito fomentar a lectura pero tamén falar unha vez máis de coeducación, igualdade e da ruptura co concepto aínda moi enraizado na sociedade de que existen “cousas de nenos e cousas de nenas”
O pasado día 20 de abril Comechíns comparteu cos nenos de Vilasantar o primeiro e segundo prato, e os postres
En conmemoración do “Día do Libro” a biblioteca programou unha sesión de contacontos “A falta de pan, bos son contos” realizada por Atenea Fernández, de nome artístico Xarope Tulú. O espectáculo teatral artellouse a partir de adiviñas, contos e refráns ligados á comida e ós seus costumes.
O público, participou na narración, convertíndose ás veces en protagonista.
O Luns 24 de Abríl na A.L.M da Capela , celebramos o día do libro cunha sesión de contacontos ” Contos de marmeleiro, anís e limón” con Marisa Irimia, os nenos e maiores disfrutaron moito escoitando unha morea de contos moi divertidos.
OLYMPUS DIGITAL CAMERA
OLYMPUS DIGITAL CAMERA
A Biblioteca de Bertamiráns recibiu a Galetreatro o xoves 6 de abril coa súa obra “Comechíns, segundo prato”.
Con esta sesión de contacontos quixemos comezar os festexos deste mes no que os protagonistas son os libros.
Contáronse sete historias que abriron a fame de contos a todos os nenos e adultos que asistiron.
Na Biblioteca de Bertamiráns tivemos o pracer de contar o mércores día 19 con Andrea e o seu espectáculo “Mergullámonos?”
Foi unha actividade na que recorremos distintos países a través dos contos e da música, e por suposto, tamén fixemos unha parada en Galiza, onde se narrou a “Galiña azul. Unha sesión con idades moi variadas na que todos os nenos participaron moito e na que Andrea consegui que maiores e pequenos bailasen o ritmo da súa pandeireta
.
. 
A Biblioteca de Burela, ven de organizar unha actividade de animación a lectura , para conmemorar o día do libro.
Os Tres Tenedores , fixeron das súas, co seu concerto , os nenos , nenas,pais e outros familiares participaron desta actividade.
“Petiscos Musicais” foe a súa proposta, ritmos diversos e fermosas cancións, para unha gran viaxe musical. 
Séguenos