Non pode arrancar de mellor xeito o XX aniversario do noso Festival de cómic Viñetas desde o Atlántico que poñendo en contexto a banda deseñada galega, as súas orixes e a súa evolución ata o día de hoxe. E é por iso que programamos na Biblioteca Os Rosales a charla con Xulio Carballo: “Ler a nosa BD! Unha viaxe pola historia e os autores da Banda Deseñada Galega”.

O luns 7 de agosto ás 18 h coñecimos as orixes da banda deseñada galega da man de Xulio Carballo e ata o domingo 13 de agosto poderemos disfrutar na cidade da Coruña do Festival Viñetas desde o Atlántico, que lle dedica unha exposición especial aos autores galegos convidados ao longo destes vinte anos de historia.

Día 4 de agosto de 2017 ás 12:00, na biblioteca de Escairón

Preparámonos para as festas da vila con esta actividade do catálogo Ler conta moito:

Filipa cos contos

repertorio de Carlos Casares

da man de Bandullo Azul

o 4 de agosto, ás 12:00 na sala infantil

Comezamos adaptando o oído á música de acompañamento, aprendendo unha historia do máis breve da man de Fran: Estaba a amora no seu lugar, pero como era moi moi breve, decidimos alongala un pouco con máis estrofas encadeándolle máis personaxes.

A continuación coñecemos a Filipa e puidemos escoitar unhas historias desternillantes, entre as cales había varias inspiradas na obra de Carlos Casares: Lolo anda en bicicleta, A cousa que máis doe do mundo, A figueira de Pelostortos, A galiña azul, e unha historia inventada, Hipo que?.

Cantamos, rimos, berramos, e en definitiva pasámolo en grande!

Para rematar, os que quixeron, fixeron unha foto de grupo con Filipa e Fran.

Patricia veu a Valga a ensinarnos que as cousas pequenas contan historias. A partir de cousas cotiás que non tiñan relación entre elas, os nenos co poder da súa imaxinación, crearon unha historia onde as cousas convertéronse en personaxes fantásticos dun conto marabilloso.

O pasado domingo día 6 de agosto nas Piscinas descubertas Municipais da Granxa, Iria Piñeiro presentou ás 18.00h, unha actividade de dinamización musical, teatro e danza no servizo da Biblio-Piscina, dependente da Biblioteca Pública Municipal do Concello de Verín.

Este proxecto vai dirixido a rapaces de entre 3 e 8 anos, e está recollido dentro do programa “LER CONTA MOITO” organizado por a Biblioteca Municipal do Concello de Verín en colaboración coa Secretaría Xeral de Cultura da Consellería de Cultura, educación e Ordenación Universitaria.

O pasado 4 de agosto “Carmiña Miudiña, a pinga que quería ser científica”, chegou a Carnota da man da compañía BocAberta. Unha sesión de contacontos teatralizada para público infantil que, de forma sinxela e divertida, aborda temas coma o ciclo da auga e o coidado do medio.

@s participantes na actividade disfrutan cantando cancións como as da: Pita Chora, o galo canta e os pitiños fóra.

Nesta Semana Cultural de Zas, chea de propostas para todos os públicos tamén puidemos contar coa colaboración da Biblioteca Municipal co Capitán Garfo co que estivemos “Cociñando música” en vivo e en directo.

Moitas grazas!!

Esperamos volver a vernos!!!

Hoxe visitounos Ana e ensinounos que a ciencia tamén é divertida, fixemos volcáns, globos máxicos auga que non molla e moitas cousas máis

O pasado mércores pasamos unha mañá moi divertida co Mago Paco. Así de ben o pasaron os rapaces coa súa maxia e as súas historias.

Un ano máis, na semana grande do Concello de Zas, a Semana Cultural, previa á Festa da Carballeira a Axencia de Lectura de Baio pon o seu “granciño de area” con unha actividade para os/as máis pequenos/as. Nesta ocasión contamos con Fran Campos, de Bandullo Azul e a súa compañeira Filipa que por medio do teatro e da música en directo, nos levaron a un mundo cheo de contos, algúns deles do escritor Carlos Casares, a quen se lle dedicou este ano o Día das Letras Galegas.

Xa estamos desexosos/as de que nos volvan visitar!!!