O día 12 de setembro os nen@s pasárono moi ben escoitando as aventuras dunha galiña moi especial, chamada Rosiña, que se alimenta só de letras.

Para rematar participaron no obradoiro de creación de bonecos (con fariña e auga tinguida) dos personaxes dun conto que inventaron.

O pasado día 14 de setembro tivemos na Axencia de lectura de Monterrei unha actividade para os nosos nenos, “A aventura máxica na biblioteca”, a cargo do pallaso Piruleta&Cia. Foi moi gratificante ver como gozaron e participaron nos trucos de maxia, nas cancións e foi unha maneira marabillosa de achegar a biblioteca aos máis cativos.

Primeira actividade desta temporada, cun éxito total. Leo e Cris (Leo Leiño) engaiolaron a pais, nais e sobre todo aos nenos e nenas que desfrutaron, mirando entre asombrados e temerosos o que iba  suceder no instante seguinte, esa era a impresión que tiñas observandoos.

A partir dunha serie de libros moi coñecidos : O principiño, Viaxe ao centro da Terra e por suposto o mundo máxico de Harry Potter as nenas e nenos viaxaron a través da fantasia, nun universo de sorpresas e ilusións que tamen poden atopar cada día nos andeis da biblioteca.

Ninguén queria que “aquelo” rematara, será a varita máxica que Leo Leiño regalaron a cada neno e nena o que lles fará non esquencer este momento único.

Onte, mércores 19 de setembro, visitounos en Vilar de Santos Antía Yáñez con “Rescate na biblioteca”, onde nen@s a través de distintas pistas relacionadas con diferentes libros e autores puideron atopar a chave para abrir un cofre no que aparecería unha sorpresa.
Un bo xeito de fomentar o traballo en equipo para a consecución dun obxetivo común e a vez de coñecer distintos autores e libros.

O mércores 19 de setembro visitaron de novo a Biblioteca uns amigos moi queridos polos nosos nenos os ratos de Lonxedetodo coa súa artista máis internacional, a gran Lilí Gruyére, para falarnos dos nosos maiores. O ciclo da vida e o respecto debido aos anciáns son os dous temas tratados neste espectáculo. A ratiña Lilí Gruyére contounos como axudou a súa avoa, hai moitos, moitos anos, cando ela era pequena e a súa avoa aínda vivía, a plantar unha maceira. Hoxe, cada vez que come unha mazá, lembra a súa avoa. Relatounos os contos que ela lle contaba e púxonos a música que a ela lle gustaba.

A idade dos asistentes infantís estaba entre 3 e 9 anos e todos estiveron moi atentos e participaron no desenvolvemento da actividade como tamén os maiores que os acompañaban

O mércores día 19, visitounos na nosa axencia de lectura de Corvillón,  Kamishibai coas “Historias Viaxeiras” de sombras chinescas, usando contos e fábulas como fio conductor facendo que o público asistente disfrutasen dun  entretido espectáculo onde se fomenta o hábito da lectura como método para facer voar a imaxinación. Os nenos disfrutaron e pasárono xenial.

Nun ambiente moi ledo e relaxado, foi narrada a historia do Xigante e todas as fases de este evento foron debullándose sen case sentir.

A actividade está baseada no conto de Oscar Wilde “O xigante egoísta”, e presta especial atención ao valor moral de compartir, de desfrutar compartindo o que temos,  neste caso un precioso xardín.  Gustou a pequenos e maiores, obtendo un resultado magnífico ao remate da sesión, todos aplaudiron, a xente miudiña inclusive.

Magnífico!!

A través do programa de dinamización de lectura: Ler conta moito , a Biblioteca encheuse o día 13 de setembro, de nenos e nenas e como non de adiviñas, travalinguas, contos pequenos, contos de animais, contos de África e como non de contos clásicos narrados con moita alegría e humor por O Parroleiro (Os Contos de Pablísimo). Foi unha experiencia moi gratificante e supuxo novos lectores e novos empréstitos de libros

O martes 18, visitounos na nosa axencia de lectura de Vilariño,  Kamishibai coas “Historias Viaxeiras” de sombras chinescas, usando contos e fábulas como fio conductor facendo que o público asistente disfrutasen dun  entretido espectáculo onde se fomenta o hábito da lectura como método para facer voar a imaxinación. Pasárono xenial.

Onte, luns 17 de setembro, os máis pequenos tiveron a súa primeira experiencia co mundo máxico dos contos nun bebecontos da man de Migallas Teatro, no que a mistura da música e a narración oral engaiolaron a tódolos asistentes.

Grazas Migallas!