O venres, 9 de outubro, desfrutamos da Ciencia de Harry Potter de Ceo Aberto na biblioteca de Vilar de Santos.

Unha actividade moi interesante e con moi boa acollida entre os asistentes, na que a través de distintos experimentos, todos eles moi ben explicados por parte de David Ballesteros, puidemos percorrer o mundo creado por J.K. Rowling visto dende o punto de vista científico.

Durante o desenvolvemento desta charla científica, puidemos comprobar canto de realidade hai no relativo á maxia de Harry Potter  e descubrir que cousas dese máxico mundo poderían ser factibles na realidade e cales se quedarían soamente en ficción.

Unha actividade sen dúbida moi recomendable.

O conciñeiro Antón e a pasteleira Tomasa compartiron con nós en Rois o seu libro de aventuras!  E de paso… fixéronnos partícipes da grande intriga dunha cabaza encantada que merodeaba pola biblioteca.

Rematada a función, que combina narración oral cunha coidada posta en escena, as familias participantes realizaron un peculiar e terrorífico taller culinario de decoración de galletas.
Ata pronto, Antón e Tomasa, agardámosvos en Rois para novas aventuras!

O venres día 9 de outubro visitounos Ana Facchini e nos trouxo a súa maleta chea de historias e con elas demostrounos algo que xa sabiamos, que todas e todos somos iguais e podemos facer todo o que nos propoñamos.

Falounos da igualdade de un xeito moi divertido no que no faltaron cancións, baile (sempre sentadas e sentados nas cadeiras) e moitas rimas.

Ana Facchini engaiolounos a tod@s!!!

participaron sete nen@acompañados por nais pais e educadoras da galiña azul.Dentro das posibilidades que a situacion permite ,fixose unha actividade na que se procurou a implicación de tod@s e resultou  moi bonita e na que disfrutaron @s pequeniñ@s xunto coas familias.

Obradoiro con nenos e nenas de tereceiro,cuarto ,quinto e sexto de primaria,en dous turnos,para garantizar as distancias e nun maior  proveito da actividade.
Carmen con gran axilidade soupo sacar os rapeces e rapazas grandes e divertidas historias,ata con reflexos do seo interio.

Foi unha actividade altamente participativa e creativa

O venres 9 de outobro empezamos as actividades da Biblioteca Viaxeira de Salvaterra de Miño,  na Casa de Cultura de Vilacoba as 17:00 da tarde co Mago Javier Muro “A igualdade é Maxia”; os nen@s e non tan nen@s pasaron un rato agradable e maxico.

O venres  Biosbardos coa narración oral do conto Como axudo a Antón?, amosaron as diferentes situacións que podemos atoparnos na relación social do entorno escolar, e das diferentes visión e solucións ante elas.

O obradoiro de robótica fixo activar as neuronas “científicas” das persoas asistentes.

No transcurso do mesmo contruíron un robot cunha impresora 3d e moita imaxinación e achegaronse ó mundo da tecnoloxía, algo tan necesario no rural galego.

O pasado venres día 9 na BPM de Oroso pasmos unha tarde moi divertida da man de Pérez&Fernández que nos fixeron rir e puxeron a proba os nosos conocementos de inglés.

O pasado venres o Mago Paco tróuxonos á ALM de Carnota “Unha maxia diferente”, un espectáculo orientado a promover a igualdade de xénero que trata temas como a violencia ou o machismo e traslada valores como a igualdade entre mulleres e homes, o amor e o respecto. O humor e a interacción co público son dúas das claves desta montaxe, que resultou un éxito rotundo.