O martes 14 de setembro na Biblioteca Municipal da Laracha acollemos o show de maxía de Pedro Bugarín. Un espectáculo cheo de humor, no que a participación do público é esencial e a maxía é emocionante para os máis pequenos e non tan pequenos. O públio alí presente pasou unha tarde moi divertida ao par que emocionate.
O xoves 9 de setembro Charo Pita levou a cabo a primera actuación no centro comunitario de Caión inagurado o día anterior polo presidente da Xunta. A este centro moudouse a Axencia de lectura de Caión o que facilita un espazo para a realización de contacontos e actividades de dinamización a lectura como o caso de “mirando ao ceo ” de Charo Pita. Un contacontos cargado de maxia, imaxinación e sobretodo fauna marina moi acertado para o público alí presente xa que caión é un porto de mar.
O 7 de setembro ás 20:00 h no espazo cultural da Igrexa da Madalena tivemos un contacontos da man de Tarabelos, titulado “Debulendo lendas”.
Os nenos coñeceron as lendas de persoaxes históricos e ficticios, coma María Pita, os gamusinos, a Coca, Breogán, etc…, á vez que ían debuxando coa súa imaxinación aos persoaxes das historias.
Hoxe, 14 de setembro, na Axencia de Lectura Municipal de Baio (Zas), puidemos gozar do espectáculo de Bandullo Azul, “Filipa cos Contos”. Unha gran asistencia fixo da axencia un lugar bonito, no que se respiraba bo ambiente e se escoitaron (e participaron) nas historias que nos ofrecía cunha visión diferente de contos tradicionais.
Obradoiro no que Andrea Barreira Freije combinou a lectura de relatos de distintas autoras de terror (Mary Shelley, Shirley Jackson, Pilar Pedraza entre outras) coa escritura.
Os participantes aprenderon a construír o seu propio relato de terror.
O conta contos musical da Compañía Truque Matruque,lembrounos unha parte da obra poética de Rosalía de Castro,con pinturas, pasaxes e referencias musicais dos poemas máis representativos da Autora.
Actividade que mesturou diversión e aprendizaxe ,facendo partícipe ao público infantil e adulto.
O día 9 de setembro recibimos o “Mago Teto” cunha grande participación.
Grazas ós seus novos contos e por arte de maxia os contos foron acompañados de xogos, maxia e literatura.
O 10 de setembro tivo lugar en Lourenzá un magnífico obradoiro de robótica, onde os/as asistentes descubriron un xeito divertido o mundo da ciencia
O venres 10 ás 18:30, visitaron a nosa biblioteca Leo Leíño e a súa axudante Cristina, coas que pasamos unha hora de diversión e maxia. Non tivemos nin un instante de aburrimento coas historias que nos contou Leo de como aprendeu maxia por todo o mundo.
O venres 10 de setembro ás 16.30h tivo lugar na B.P.M. de Láncara a actividade “O legado de Verne (Escape Room portátil)”. Os participantes dividíronse en 2 equipos, os cales dispoñían de 1 hora para resolver unha serie de enigmas, para os que se lles ían dando unha serie de pistas e así poder atopar a contrasinal que tiñan que introducir no ordenador, e desta maneira destruir o asteroide que estaba a piques de impactar contra a terra. Os rapaces disfrutaron moito con esta actividade e mantívose a emoción ata o final xa que os dous equipos ían moi igualados na resolución dos enigmas propostos.
Séguenos