Á mañá do pasado sábado chegou Nelson Quinteiro a Axencia de Lectura Municipal de Tirán cos seus instrumentos e púxonos a todas a tocar e bailar. Moito aprendemos sobre a nosa música tradicional.Que ben o pasamos, tremendo BARULLO montamos con todos aqueles instrumentos!!
Extraordinario, coma sempre, Teatro Ghazafelhos co seu Olimpo de deusas e deuses disparatados. Foi a Caixa sen Pandora, o “Lercontamoito” desta tarde de venres na biblioteca de Tirán.
A Biblioteca Xabier P. Docampo (A Barcala-Cambre) acolleu o venres 15 de outubro un fermoso conto inclusivo en lingua de signos. A sesión incluíu tamén unha vertente didáctica que resultou ben interesante para o público asistente.
O pasado xoves día 14 de outubro pasaron pola BiblioSada @s alumn@s de 2º da ESO do IES Mosteirón, que desfrutaron da actividade “O Mundo da Dobraxe” poñendo as súas voces a persoaxes famosas do cine adolescente coma os vampiros de Crepúsculo, etc.
Un grupo de nenos, nenas e maiores escoitaron na tarde do pasado venres Os Ratos de Lonxedetodo, que contaxiaron a grandes e pequenos o gusto pola lectura. Estes ratos utilizaron a música, a comedia e diferentes recursos para contar os contos, cheos de aventuras. Foi unha tarde divertida de contos.
O 24 de outubro celebramos o Día das Bibliotecas, unha efeméride moi especial que aproveitamos para traer cada venres de mes un espectáculo de animación para toda a familia. Un xeito de reivindicar o libro e a lectura a través do teatro, a narración oral e a música. Ler máis →
Andrea Barreira Freije trouxonos un obradoiro de terroríficas historias, para achegarnos a literatura de terror a través da lectura e da escritura. Lectura de distintas obras de autoras deste xénero deixando claras ás características desta literatura e logo escribindo un relato de terror, donde, ou ben creamos un personaxe de terror ou buscamos na realidade os nosos medos.
Día 15 de outubro de 2021 ás 18:00, biblioteca de Escairón
Celebramos o mes das bibliotecas coa actividade do programa Ler conta moito…
da man de Xosé Manuel, Hermánager
o 15 de outubro, ás 18:00 na biblioteca
Achegámonos á técnica do debuxo de personaxes a través de personaxes coñecidas (como Lisa Simpson) e fixemos figuras ás que relacionamos con algunha das aplicacións que temos nos nosos teléfonos móbiles.
Non é difícil identificar que está a facer unha personaxe cando vemos a “icona” da rede social que está a usar, por exemplo o Whatsapp:
Séguenos