O pasado martes, estivo Helga na nosa biblioteca contando contos de árbores, dos efectos do progreso, do amor á natureza e de todas esas cousas que non temos en conta, no noso día a día.

Historias cheas de humor e amor pola natureza.

Utilizando para a súa explicación, todo tipo de obxetos de refugallo.

O venres 5 de abril a biblioteca tivemos unha tarde de aventuras na Biblioteca municipal do Grove. A exploradora Jeanne Baret convidou a todos os nenos e nenas a participar da súa misión na selva de Pitiminí. A través de diferentes historias coñeceron os diferentes animais que viven nela e adentráronse nesta selva salvaxe. Unha actividade moi interactiva onde non quedou ningun neno sen participar

Para celebrar o Día do Libro Infantil e Xuvenil contamos cunha aventura chea de libros, contos, maxia e personaxes fantásticos.Entramos no mundo máxico dos contos coas sorpresas dunha maleta máxica e da man dos seres fantásticos que nela habitan.

As crianzas máis pequenas de Ares tiveron onte a visita de Leo o león .

Leo ensinoulles como facer música dun xeito divertido e sinxelo.

Unha obra moi adaptada para 0 a 3 anos.

As nenas e nenos máis pequenos do CPI celebraron na Casa da Cultura o Día do Libro infantil e xuvenil participando no espectáculo “A Orixe”, de Raquel Queizás. Unha proposta para descubrir o mundo en que vivimos a través das lendas e contos doutros lugares, pero tamén para fomentar o amor polos libros e a lectura que, ao cabo, é unha maneira de formar persoas adultas libres, solidarias e respectuosas coas demais.

O día 2 de abril, día Internacional da literatura infantil e xuvenil, tivemos na nosa biblioteca Miguel González Garcés de Culleredo o contaconto O caracol namorado. Un contaconto cheo de música, poesía e contos onde os pequenos e maiores cantaron, riron e pasarono ben.

O 2 de abril, Dia Internacional do Libro Infantil e Xuvenil, nenos de 3º de Primaria do CEIP Plurilingüe de Ribadavia asistiron a un contacontos de Maquinaria Teatro titulado “Que contan as árbores” dentro do programa Ler conta moito.

Esta actividad está encadrada tamén no longo proxecto que estamos a levar a cabo na Biblioteca de Ribadavia sobre a Axenda 2030. En outubro iniciamos este proxecto presentando todos os obxetivos da Axenda 2030 e posteriormente ampliamos a información centrándonos en algúns dos obxetivos como a igualdade, a diversidade e agora sobre os ODS 12 e 14, cunha exposición-mostra bibliográfica e con contacontos e obradoiros relacionados co tema.

Na exposición empregamos material de refugallo como tapóns de botellas para facer os animais acuáticos, plásticos, restos de cartón, etc…