O 12 de Agosto visitou a Biblioteca de Viana do Bolo Pakolas ca meiga Ecoralia, ensinounos cas súas cancións e contos o importante que é consumir alimentos ecolóxicos, para coidar o medio ambiente.
Un evento máxico e creativo para nenos qeu combina un mini show de maxia e contos, un obradoiro de globoflexia e unha disco creativa.
O xoves 14 de agosto, as nenas e nenos do Campamento Urbano de Verán do Concello de Vilagarcía de Arousa asistiron a unha sesión de contacontos a cargo de Soraya Lema (O sol de outono).
A narración oral acompañada da música dun acordeón e de obxectos ben coñecidos marabillaron a todos desde o minuto un.
O pasado 1 de agosto tivemos o pracer de desfrutar do espectáculo do Mago Paco no Concello de O Irixo.
Unha actuación onde o que máis destacaríamos foi o espíritu participativo de todas e todos os nenos asistentes. Houbo maxia, diversión e interacción!
Foi xenial!
Un ano máis Xoán Curiel deleitou aos asistentes cunha serie de temas de autores galegos homenaxeados nas Letras Galegas así como de outros autores galegos importantes para a nosa cultura. Un grato espectáculo ao que asistiu numeroso público tanto galego como do resto do país.
Os nenos e nenas disfrutaron dun maravilloso obradoiro de maxia na localidade de Os Peares-Carballedo, no que o mago Oscar Fernandez lles ensinou trucos para iniciación no mundo da maxia.
As/os paticipantes no Campamento de veran do Concello de Irixoa, onte 11 de agosto, construíron divertidos vehículos eléctricos autónomos; deseñaron as súas partes esenciais: chasis, motor, rodas, etc.; por último fixeron unha carreira tola cos deseños.
, e pasarono en grande.
Unha mañá máxica coa mestra das historias!
O sábado día 9 de agosto vivimos unha xornada inesquecible na Biblioteca de Barro coa contacontos Charo Pita. Máis dunha vintena de veciños e veciñas, maiores e pequenos, gozaron dunha sesión chea de imaxinación, humor e emocións que nos fixo viaxar por contos arredor do corpo.
Dende o primeiro ata o último momento, todos e todas quedamos atrapados polas súas palabras e personaxes.
Se queredes ler moitos dos contos que nos contou Charo Pita, podedes pasar pola biblioteca de luns a venres (horario de verán).
,
Animado e moi plástico espectáculo musical, estupendamente levado a cabo por “2plicas”, que fixo as delicias de crianzas e persoas maiores asistentes.
O 6 de agosto visitounos Dani Blanco co seu espectáculo Circo na Biblioteca.
A rapazada dos campamentos quedou abraiada cos malabares e equilibros deste gran artista.
Actividade con moito humor e moi dinámica, onde os nenos se sentiron parte dela coa súa participación.
Séguenos