O venres, 4 de outubro tivemos espectáculo A familia Papaventos.
Contos sobre a amizade acompañados pola voz e a guitarra de Charo Pita interpretando algunha canción do seu libro disco No país do vento.
Os pequenos/as pasárono xenial. Foi unha tarde moi divertida e entretida chea de ledicia e agarimo.
Moitas grazas Charo 
O venres, 27 de setembro tivemos festa rachada na biblioteca con Pakolas. As súas cancións e as súas historias fixéronnos pasar unha tarde divertida e chea de ledicia.
O luns, 23 de setembro tivemos a visita do ratiño Fuco e a ratiña Lily Gruyere. Aos dous encántanlles os libros e nesta ocasión deleitáronnos coa narración dos contos Oliver Button é unha nena e A ratiña presumida que adaptaron coma unha luva para o tema da igualdade de xénero.
O espectáculo tivo unha acollida incrible por parte do público, tantos dos nenos/as coma dos maiores.
Todos/as pasárono moi ben.
Foi todo un éxito.
Moitas grazas.
O venres, 20 de setembro tivemos a visita de Cris de Caldas e Xabi do camiño co espectáculo Kenka un kenko. Unha mestura de contos , retrousos, adiviñas , música e tradición oral.
Tarde entretida, lúdica e leda na que os nosos pequenos/as estiveron engaiolados durante toda a sesión.
O venres, 13 de setembro tivo lugar na biblioteca de Nós o espéctaculo da Ovella Engracia a cargo de Aldaolado.
A ovella Engracia non está contenta coa vida que leva, pensa que é aburrida. Ela o que desexa é ver a lúa na noite.
Un día decídese e escapa do seu rebaño e vai detrás da lúa. Nesa viaxe atopárase con distintos animais que lle darán forza e ensinaran a confiar en si mesma.
Metáfora moi axeitada para abordar o tema da igualdade entre homes e mulleres e a violencia de xénero.
O público quedou encantado coa contada de María e Lucía, aderezado coas cancións na preciosa voz de Lucía.
O venres , 5 de octubre, desfrutamos dunha tarde marabillosa con Bea e Manuel.
Os contos, a música e a tradición oral deixaron engailados aos nosos/as pequeniños/as e por suposto as súas nais e pais.
Foi todo un éxito.
O venres, 28 de setembro, tivemos a oportunidade de escoitar algunhas das nosas lendas: de piratas, de sereas, ….
A sesión resultou moi dinámica e entretida para todo o público, nenos/as e maiores. Para contalas , Esteban axudouse da técnica kamishibai e contou coa participación dos nenos e nenas .
Moitas grazas.
O venres , 21 de setembro visitounos Pablo Díaz co seu espectáculo ” Cantacontos para bebés “.
Pasamos unha tarde marabillosa chea de contos e cancións, sentíase un gran apego e agarimo polas nosas crianzas .
Foi moi entretida e espóntanea grazas a reciprocidade dos nosos nenos e nenas co contador.
Quedamos con ganas de máis. 
A tarde do venres 27 de outubro, tivemos a biblioteca Ánxel Fole de Oleiros, chea de nenas/os e as súas familias para ver o espectáculo ” Pan de Millo” de Migallas.
As cancións e a narración oral, co proceso da elaboración do pan como fío conductor, fixeron o deleite de pequenos e maiores.
Entrega absoluta e complicidade do público cos artistas.
Tarde impresionante para lembrar e repetir
Moi recomendable.
Iniciamos o taller cunha mini escenificación do achado dun cadáver na biblioteca e coa recollida de mostras biolóxicas polos participantes.
A continuación empezan as pescudas e o proceso de investigación, seguindo paso a paso as instruccións do monitor para poder extraer o ADN e dar co culpable.
Os nenos/as aprenderon como se pode coñecer a ciencia dun xeito distinto grazas os coñecementos de Manuel Vicente García.
Tarde didáctica, entretida e divertida. 
Séguenos