Nesta tarde pasamos un rato moi entretido aprendendo. Por medio da narración dun conto foise explicando as cativadas e o público adulto, os sentidos do noso corpo, usando diferentes ferramentas como saquiños, papeis con esencias e as nosas propias mans, fumos aprendendo as sensacións das diferentes texturas, cheiros, gustos…Todo amenizado por un conto que seguindo o fío amosounos un feixe de coñecementos moi interesantes!
Mere-cidamente
O xoves 11 de xullo ás 11.30 da mañá visitounos David Merelas Figueroa que desenvolveu un espectáculo de circo, malabares e humor no Parque do Cotaredo, xa que non puidemos resistirnos ao bo tempo. David procurou acadar a complicidade do público asistente gastando bromas e buscando a súa colaboración durante o desenvolvemento da súa actuación. Converterse en axudantes deste pallaso tan falcatrueiro entusiasmou aos cativxs. Foi unha xornada moi divertida e amena.
O martes 27 de maio recibimos a María da Pontragha na nosa biblioteca. María contounos historias cotiás de mulleres, que inspiran e provocan tenrura, e algunha lenda dun tempo pasado da nosa terra dun xeito tan divertido que nos fixo rir ás gargalladas. A través destas historias, María amosa a forza, a valentía, a insubmisión, a solidariedade, o apoio… que estas mulleres teceron nunha sociedade tan cativa que as limitaba. E aínda tivo folgos para cantar algunha pequena canción e regueifa que fixo, se cabe, máis amena a narración. Pasámolo xenial, moitas grazas!
O martes, 30 de xullo, asistimos a un espectáculo de “Ciencias malabarísticas”. A compañía de A Fraga dos Mouros realizou uns interesantes xogos de malabares pero tamén aprendemos os conceptos científicos que os explicaban máis algún dato curioso sobre algún dos científicos máis importantes da nosa historia: Tales, Arquímedes, Newton… Temos que destacar a indispensable, esforzada e valerosa participación dalgún/ha cativo/a que, iso si, lle puxo moitas ganas aínda que a tarefea non era sinxela, menos mal que contábamos coas indicacións do experto na materia. Pasámolo xenial!!
O martes, 23 de xullo, os/as cativos/as de Fontiñas pasaron un rato moi entretido grazas a Caxoto, que celebrando os seus 20 anos percorrendo Galicia enteira coas súas actuacións, volveu a engaiolar aos presentes cos seus contos e cancións, recuperando algúns dos versos máis populares de Rosalía de Castro, Álvaro Cunqueiro, Alfonso Daniel Castelao… e solicitando a participación da cativada co retrouso. Foi unha mañá moi animada!
Moitas grazas e moitos parabéns!!
Ao sol,
que carexa compracido
este banco de xardín
volve o sosego
Que é case sono,
unha vontade de dormir desperto,
Este mércores o Centro Sociocultural Maruxa e Coralia de Santiago recibiu unha sorpresa moi especial: a visita de Luísa Villalta… a homenaxeada polo Día das Letras Galegas no 2024.
Unha xornada inesquecible na que a música, especialmente o violín, o instrumento preferido da nosa escritora, foi acompañando os versos e as anécdotas que a actriz Helga Mández, na pel de Luísa Villalta soubo facer, coa súa interpretación un verdadeiro acto poético.
Un pracer Luísa, ata sempre.
O xoves, 16 de maio, Sheila García Prado, de Costa Oeste, desenvolveu un interesante obradoiro sobre Luísa Villalta, a homenaxeada polo Día das letras Galegas 2024. Empregando a técnica do zentangle achegou a figura da destacada escritora galega á cativada participante. Unha actividade moi orixinal que agradou aos nosos/as pequenos/as lectores.
O xoves, 28 de xullo, Pedro Bugarín compartiu con nós o seu espectáculo de maxia. Deixounos completamente abraiados e con ganas de máis. A súa simpatía, o seu sentido do humor , as innumerables sorpresas e a procura da participación do público asistente fixeron que a proposta resultase todo un éxito. Agardamos que nos visite de novo!!
O xoves, 7 de xullo, recibimos a visita de A xanela da Maxín, que nos entretivo contando a historia da intrépida Lúa, unha gatiña que loitou por facer realidade o seu soño de poder viaxar a Marte. Unha historia moi divertida que contribúe a fomentar a igualdade entre homes e mulleres.
O xoves, 5 de maio, recibimos a visita de Polo Correo do Vento. Con eles mergullámonos na vida e obra de Florencio Delgado Gurriarán, de xeito educativo e moi divertido. Mesturando a narración oral, na que destacaba o recurso ao humor e a procura da participación dos/das cativos/as, coa elaboración dunha caricatura do homenaxeado polo Día das Letras Galegas 2022, que os/as participantes aprenderon a realizar seguindo as recomendacións que lles ían dando. Unha tarde moi entretida.
Séguenos