Na mañá do 18 de maio, escolares da Rúa visitaron a Biblioteca Pública Municipal para celebrar o Día das Letras Galegas participando na actividade ‘A Ruleta das Letras’.

Os asistentes tiveron que poñer a proba as súas habilidades para saber quen se agochaba tras cada panel da ruleta. Por medio deste divertido e dinámico xogo de coñecemento, descubriron máis sobre os escritores e escritoras máis importantes e as súas obras. En definitiva, coñeceron máis sobre a literatura galega.

Con motivo da celebración do #DíaDoLibro, o pasado 27 de abril, ás 19:00h, a Biblioteca Pública Municipal da Rúa acolleu o espectáculo musical do rués Magín Blanco na compañía do músico Pablo Vidal.

‘Caderno de cores e cancións’, que xa conta con formato libro-disco, está dirixido ao público infantil e familiar e propón un percorrido pola creación musical e literaria das cancións.
Con este formato concerto-obradoiro e a través do xogo, os artistas interactuaron co público facendo uso da lingua galega coas melodías e a musicalidade poética das rimas.

No día de hoxe, tivemos a Celtia Figueiras con “GALE, A HISTORIA DA LINGUA GALEGA” , para pechar a semana de actividades arredor do “DÍA DA BIBLIOTECA”. Celtia fixo con “GALE” un percorrido pola historia da lingua galega segundo o libro de Pepe Carreiro. Todo esto con teatro, sombras e monicreques. Viñeron a actividade 63 alumnos dos cursos de 4°, 5° e 6° de primaria do C. E. I. P. Manuel Respino, que compañados polas suas mestras estiveron moi atentos a toda a función.

24 DE OUTUBRO “DÍA DA BIBLIOTECA” ¡¡¡É chegou o gran DÍA!!!. Actividade “A cabeza do dragón”,  adaptación para marionetas da obra de D. Ramón María del VALLE-INCLÁN, con Carmen Domech e Jorge Rey de TÍTERES CACHIRULO. O Príncipe Verdemar é desterrado do seu fogar e, coa axuda dun trasgo falcatrueiro, terá que loitar
contra bandoleiros e tamén contra o terrible dragón que ten apresada a filla do Rey Micomicón… Contamos coa presenza de 120 nenos de tres colexios,  con idades dende 5 ata 8 anos acompañados polos seus Mestres. Unha mañá de convivencia arredor dunha actividade moi divertida. ¡¡¡Pasárono estupendamente!!!

23  de Outubro na Biblioteca Municipal de A Rúa

CHOCOLATE” con “TEATRO CALAVERA”. Actividade rematada con un sabor moi doce. Participaron 32 nenos de 5 anos do Colexio Manuel Respino e 12 adultos.  Os nenos coñeceron o froito do cacao con unha historia moi divertida, o final o cociñeiro Antón e a pasteleira Tomasa conseguiron o mellor chocolate coa receita sacada dun libro. Os nenos coa axuda dos animadores realizaron unhas riquísimas “brochetas” de froitas, que bañaron en chocolate. ¡¡¡Qué ricas estaban!!!. Os nenos querían repetir.

Para pechar a semana das “Letras Galegas” contamos na biblioteca coa actividade “LETRAS E NOTAS” con MAGÍN BLANCO. A biblioteca de A Rúa ateigouse de nenos de infantil e primeiros cursos de primaria dos colexios do Concello: Pablo VI-Fátima e Manuel Respino. Arredor dun cento de nenos e 10 profesores participaron no espectáculo musical no que Magín Blanco ía creando un universo con abecedarios, números, adeviñas e contos. Os nenos cantaron e bailaron.  ¡Pasaron un rato moi divertido!.

FRAN e a sua amiga FILIPA fixeron pasar a todos os nenos e adultos que acudiron a biblioteca unha xornada “filipante”, na tarde do mércores 10 de maio con unha actividade dentro do programa das Letras Galegas.  Música, humor e os contos de CARLOS CASARES: Lolo anda en bicicleta, a galiña azul e as historias de Toribio. Para rematar a sesión de contos, o animador acompañado pola sua guitarra contounos a historia de “HIPOQUÉ???????, un pequeno hipopótamo que pasaba o día querendo saber o “por qué” de todo, con unha divertida maneira de contar cantando esa etapa dos nenos, as veces esgotadora, pero tan necesaria, chamada a “dos porqués”. Os nenos fixeron os coros o longo de toda a canción. Pasárono moi ben.

Para rematar as actividades programadas arredor da data do “Día do Libro”, contamos hoxe na biblioteca coa actividade “Á escena contos!”. A mellor parte de calquera espectáculo é crealo, e iso é o que se fixo nesta actividade de “Ler conta Moito” . 16 nenos dos últimos cursos de primaria, dos colexios Manuel Respino e Pablo VI-Fátima crearon un pequeno espectáculo audiovisual a partir dunha historia: os personaxes, escenario, música, e o mellor de todo levaron a escena o conto de “monstros” para todos os compañeiros. O resultado quedou moi gracioso. Os nenos aprenderon a preparar unha historia e contala, para deste xeito poder repetir a experiencia cando, como e onde queiran, só precisan de dúas ferramentas: a creatividade e unha historia!

O día 25 de abril e dentro das actividades para celebrar o Día do Libro, tivo lugar na biblioteca a escenificación dos contos de “NANOTEATRO”. Participaron en total 88 alumnos pequeniños dos colexios da localidade. Os animadores escenificaron tres contos: O do papamedos, o gato que zampaba todo, o das 5 palabras, terminando a actividade acompañados pola guitarra coa canción do gato zampón. Os nenos pasárono moi ben.