O venres ás 17:00 tivemos una actividade de escape room baseada en Alicia no país das marabillas. Marabillosa ambientación e moita tecnoloxía para resolver os enigmas plantaxados.

O venres estivo connosco o gran Mago Pedro Bugarin. Pura maxia e risas a esgalla! Bravoo.

Actividade relaxante, practicando posturas de ioga coa cativada.Para rematar, coloreamos unhas mandalas.Namaste!

Carmiña e Xustino, uns bibliotecarios un tanto peculiares, decidiron secuestrar a un par de crianzas para encher a súa biblioteca, coma nos vellos tempos, e fóiselles “un pouco” das mans. Meteron a unha manchea de rapaces e rapazas en diferentes libros e agora non os atopan!

O pasado mércores 16 de maio na biblioteca municipal de Poio gozamos, con Marta Ortíz, dos Contos da Festa no faiado, onde grandes e pequenos coñeceron un pouco máis a María Victoria Moreno, e da man de Uxía e Gato viviron historias cheas de imaxinación e maxia.

Na Biblioteca Pública Municipal de Poio celebramos o Día do Libro aprendendo con Estefanía Padullés a converter as nosas historias nun álbum ilustrado. Primeiro os nenos e nenas escoitaron a historia dun galo que tiña que espertar ao sol e debuxaron unha chea de animaís e lugares para inspirarse, e remataron a tarde creando os seus propios personaxes e ilustrando a súa propia historia.

Este luns 15 de maio celebramos, con antelación, na BPM de Poio o Día das Letras Galegas cunha sesión de contacontos teatralizada e acompañada con música en directo.

Luns 03 de abril de 2017.

Celebración do Día Internacional do Libro Infantil e Xuvenil coa pegada do cartelo conmemorativo e a lectura do manifesto do poeta Sergey Makhotin.

Ás 17:00 tivemos un obradoiro”Caderno de Lectura.No obradoiro empregouse o método zentangle para decorar un caderno de lectura. É unha técnica sinxela que consiste en trazar patróns repetitivos que crea belas imaxes e fomenta a tranquilidade e a concentración, desenvolvendo a creatividade e a sensibilidade artística.

O 25 DE SETEMBRO A TITIRICLETA do TITIRICLETEIRO chegou á biblioteca, pilotada por un grupo de monicreques solidarios chegados de Bangladesh, a India, Guatemala…  na procura da paz..

Tivemos o gusto de desfrutar das historias cheas de emocións que nos contou a animadora Andrea.Moitos bicos e ata a próxima!.