Hoxe veu a Biblioteca Municipal o alumnado de 3º de E. Primaria do CPI de Pontecesures, para escoitar de boca da editora Andrea Jamardo Seijo cal é o proceso que nos leva o nacemento dun libro. Logo nun obradoiro os nenos e nenas fixeron o seu propio libro.

Obradoiro-contada onde cada participante creará a súa propia historia sobre o paradoiro da aviadora  Amelia Earhart e coñecerá a vida desta muller adiantada ao seu tempo. Saberás os requisitos para pilotar unha avioneta e construirás o teu propio aparello a través da papiroflexia

Contacontos musical co escritor R. J. Peralta e a ilustradora Blanca Millán. Asistiron alumnos de 1º de E. Primaria do CPI de Pontecesures. Cantouse, contouse e conversouse da amizade, da tradición e d a labor dos avós na familia

Para celebrar o Día da Biblioteca, onte viñeron os alumnos e alumnas de 6º de E. Primaria. Tiñamos unha actividade de Solovoz, que levou a cabo Damián Alonso.  Aprendemos a crear un podcast: a redactar, gravar e editar. Con técnicas de locución, teatro e dobraxe. Lectura interpretativa, modulación da voz, vocalización e locución. Actividade dinámica e sobre todo moi participativa.

Andrea Barreira Freije deu lectura a moitos fragmentos de libros de terror, escritos por mulleres, para que os escoitaran os alumnos e alumnas de 5º de E. Primaria do C.P.I. de Pontecesures. Ao mesmo tempo, entre lectura e lectura, os rapaces e rapazas iban construindo o seu propio conto de terror.

Verdadeira actividade de animación á lectura. O autor esforzouse moito en transmitir a importancia de ler. Partindo do seu libro, “A nena do vestido de flores”, fixolle entender os rapaces e rapazas de 4º de E. Primaria o que é a empatía, poñerse na pel doutra persoa con dificultades coma os asperger, os xordos, os cegos…

Andrea Jamardo Seijo, de Cuarto de inverno, trouxonos hoxe unha actividade de animación á lectura: Da árbore ó libro, contando e axudada de proxeccións como se fai un libro dende a árbore ata que está nas nosas mans. Ós alumnos e alumnas de terceiro de educación primaria do CPI de Pontecesures tamén lles quedou moi clariño como se chaman as partes dun libro, o traballo dos e das autores/as, as correccións, as ilustracións, o deseño gráfico e todo o traballo que ten o libro antes de chegar á imprenta. Logo o traballo continúa coa distribución e venta.

E despois de todo esto houbo un obradoiro donde todos e todas fixemos o noso propio libro.

Hoxe, na Biblioteca de Pontecesures, Solovoz deleitounos ós alumnos e alumnas de 1º e 2º de E. Primaria do CPI, con narración oral acompañada de música de acordeón, trompeta, cunchas, pandeireta… Viaxe por todo o mundo e música de cada un dos paises que visitamos.

Excelente actividade de Damián Alonso Lorenzo, actor de dobraxe e teatro, formandor en obradoiros de voz, lectura interpretativa, dobraxe e podcast, falar en público…  Obradoiro moi dinámico e participativo, de máis de duas horas, que tuvo os rapaces e rapazas moi implicados na actividade dende o primeiro minuto: ler en voz alta, crear e gravar un podcast, saber enfrontarse a calquera texto ante o micrófono, seguridade para desenvolverse no ámbito oral, aprender a escribir para locutar…