Con motivo da celebración do “Día das Letras Galegas” a biblioteca levou a cabo a seguinte actividade, “A Galiña Azul e compañía” o 19 de  maio ás 11 horas. A actividade correu a cargo de Cris de Caldas que tomando como fío a galiña azul, fixo unha explicación sobre o seu autor e do significado das Letras Galegas no panorama da nosa literatura. A galiña azul veu acompañada doutros contos de tradición galega. A actividade gustou moito ao público asistente que colaborou e participou en todo momento do espectáculo.

En conmemoración do “Día do Libro” a biblioteca programou unha sesión de contacontos “A falta de pan, bos son contos” realizada por Atenea Fernández, de nome artístico Xarope Tulú. O espectáculo teatral artellouse a partir de adiviñas, contos e refráns ligados á comida e ós seus costumes.

O público, participou na narración, convertíndose ás veces en protagonista.

A actividade engaiolou aos nenos e nenas asistentes que quedaron maravillados ante os relatos e a orixinalidade do espectáculo: Unha casa que se vai construindo a medida que se narran as novas aventuras dos personaxes de sempre.

Con motivo da celebración do Día da Biblioteca, o 24 de outubro, realizouse unha sesión de contacontos titulada “Rosa no é unha cor…” a cargo de Cristina Vázquez Santos que contou “historias que ensinan e debuxan un sorriso ao mesmo tempo”.

“Nin rosa é unha cor de nenas nin azul é de nenos. Rosa e azul son cores amigos dos rapaces. Unen, non separan”.

A igualdade entre homes e mulleres é un valor que se debe inculcar desde a infancia.

Con motivo da celebración do Día das Letras Galegas a biblioteca programou o espectáculo que leva por título, “Poemas e contos con Manuel María” no que os contos e as historias pivotan ao redor dos poemas de Manuel María, que figuran como eixo conductor, acompañados da música de violín.

Marisa Irimia achéganos á poesía e á narración oral dun xeito musicado e lúdico, onde todos participan.

O 23 de abril, “Día internacional do Libro”, a biblioteca realizou unha sesión de contacontos dirixido a nenos e nenas de 0 a 3 anos que leva por título “Contos de ida e volta”. O espectáculo correu a cargo de Charo Pita que ademáis de narrar historias e contos, cantou e fixo malabares, deixando embelesado ao público asistente. A actividade rematou coa construcción dunha árbore, utilizando exemplares de libros.

O día 3 de abril, ás 12:30 horas, realizouse, na biblioteca municipal, unha sesión de contacontos a cargo de Manuel Solla Barragáns.

O espectáculo “Conto contigo” cautivou aos nenos e nenas asistentes que participaron activamente nos contos, trabalinguas e cancións que o animador propuxo ao longo da actividade.

Con motivo da celebración do Día da Biblioteca, realizouse unha actividade que leva por título “Contiario” o día 23 de outubro.

A sesión de contacontos, composta por unha grande variedade de relatos, tiña como obxetivo espertar a curiosidade polos libros e mergullarse nas estanterías da biblioteca, dando a coñecer os contos tradicionais e máis os contemporáneos.

A actividade encantou ó público asistente que disfrutou e participou cos relatos de Pablo Sánchez: fábulas, cantares de cego, adiviñas, contos  minúsculos, etc.

Con motivo da celebración do Día das Letras Galegas, realizouse a actividade “Imos xogar con Xosé Filgueira Valverde” o día 18 de maio. Por medio dun divertido xogo por equipos, os nenos e nenas participantes descubriron a orixe e significado do Día das Letras Galegas, achegándose á obra do autor homenaxeado este ano, Xosé Fernando Filgueira Valverde. Os xogadores interactuaron activamente co equipo de dinamización divertíndose moito.

Con motivo da celebración do “Día Internacional do Libro” levouse a cabo, na biblioteca, unha sesión de contacontos, a cargo de Marisa Irimia, animadora, ilustradora e narradora, que cautivou ós nenos e nenas asistentes.

Marisa, axudada por monicreques, bonecos e cancións centrou a atención dos máis pequenos, facendo as ledicias do público asistente.