O venres 10 de outubro a Biblioteca Pública de  Valdoviño retomou o programa de “Contacontos os Venres” que pechou no mes de maio pasado con gran afluencia de publico familiar. Froito da casualidade o programa pechou coa posta en escena de “Xigantes” da compañía Miro Magariños e abre coa mesma compañía poñendo en escena “Merlos”, un espectáculo moi atractivo e moi tenro creado para público de curta idade.

O día 8 de outubro, durante case unha hora, Pinga Teatro engaiolou ás crianzas de 4 a 11 anos. Ao principio con contos de bruxas e apócemas, crocodilos namorados e a paticipación tanto do público infantil como adulto. Con guitarras incribles e cancións divertidas tivemos unha variada  sesión de contacontos.

O martes 7 de outubro veu a nosa biblioteca Olga Abad de Intres, que nos trouxo moitas historias interesantes sobre ratos, ratiñas e gatos. Contounos a historia do rato César que soñaba cos trens, a rata Lavandeira que lavaba a roupa de todos os ratiños do pobo e da gata Renata que non medraba… divertidas historias ilustradas con sombras chinesas e monicreques.

O mércores 1 de outubro, ás 18:50 h, Santi Prego trouxo á Biblioteca de O Froxel “Franciso A. Vidal” de Arteixo, moitos e divertidos contos e cantos acompañado polos seus monecos, facendo participar activamente ós nenos que viaxaron coa imaxinación a mundos fantásticos.

O duende “DADA” transportou @s máis cativos a un mundo cheo de máxia dende a Biblioteca Municipal de Carballedo, a través de contos que despertaron a súa imaxinación.

O luns, días 29 de setembro, tivemos a gran sorte de poder presenciar e participar no gran espectáculo que nos deron tanto Martin Camiña como Álvaro Muras. Todos os asistentes, tanto cativos como maiores, desfrutaron coa maxia e a música de Maxicosons.

Un espectáculo dinámico, entretido , divertido e diferente.

O xoves día 4 de setembro ás 12.30 horas, tivo lugar na Casa da Cultura do Carballiño, a posta en escena do espectáculo de maxia e música “MaxicoSons, unha aventura entre libros”, no que maxia e música se dan a man co fin de promover a lectura dun xeito orixinal e divertido. O público asistente, de tódalas idades,mostrouse moi satisfeito co desenrolo da actividade.

<img class="alignnone size-full wp-image-7316" alt="Merlos. Miro Magariños" src="http://blogs.xunta.gal/lercontamoito/wp-content/uploads/sites/2/2014/08/DSC_0002.jpg" width="600" height="401" /
O mércores día 27 de agosto recibimos na biblioteca de Ponte Caldelas a Miro Magariños e o seu espectaculo Merlos, cunha gran calidade de escenificación, facendo pasar un moi bo momento, tanto a maiores como a nenos. Destacar o seu bo oficio.

O martes día 26 de agosto recibimos na biblioteca de Ponte Caldelas a visita de Migallas Teatro co seu espectáculo  “Merenda Pan de Millo”, deleitando a pequenos e maiores cos contos de Kalandraka e a música tradicional nas voces de Carlos e María. Moito éxito de participación.

O día tres de abril, a Biblioteca Pública Municipal de Meira, recibiu a Sarabela Teatro dentro do programa de Ler Conta Moito, representando “Conto Espress”. Estivo dirixida ós nenos de segundo e terceiro ciclo de primaria.

O día 24 de abril, a Biblioteca Pública Municipal de Meira tamén recibiu a actividade de “Non máis guerras” dentro do programa de Ler Conta Moito, a representación veu da man de Trinketrinke Teatro e iba dirixida ós nenos de infantil e primeiro ciclo de primaria.

Calquera das programacións foron enfocadas a tódolos alumnos do CEIP de Meira co fin de que tódolos nenos viñeran a visitar a Biblioteca e aproveitar esta saída para levar a cabo as sesións de contacontos.

Foron dúas actuacións espectaculares nas que os nenos e nenas o pasaron en grande logrando sempre por parte dos actores o obxectivo de estender a promoción da lectura e de implicar ós máis pequenos no mundo dos contacontos.