Para celebrar o Dia Internacional do Libro tivemos unha actuación da compañía Glup Glup Teatro coa obra “Catalina Lino Lina”. Unha peza teatral enfocada a transmitirlle ao público de 3 a 12 anos a paixón polos libros. Catalina Lino Lina, farta de agardar a que alguén abra as páxinas do libro no que habita para poder cobrar vida, decide escapar para vivir as súas propias aventuras. Asistiron a obra nenos do CRA Amencer e nenos de 1º e 2º de Primaria do CEIP Tomás de Lemos de Ribadavia, en total uns 125 nenos.

O 2 de abril María Rodríguez Salgueiro puso en escea o contacontos teatralizado “Nanoteatro”. Levaron a cabo a escenificación de dous contos “Adjar” que conta comounha nena, Matilde , terá que ir ao centro da terra para comprender a cólera do dragón, responsable do sismo no seu país e “Papamedos” no que  un neno que ten medo da escuridade e un irmán que inventa un amigo imaxinario que come todos os medos. Asistiron nenos de Educación Infantil do CEIP Tomás de Lemos de Ribadavia

A Asociación Nanoteatro achegou ata a Biblioteca Municipal do Grove un entretido espectáculo durante o cal escenificaron dous contos que mantiveron ao público atento ata o final.

Un pequeno telón traseiro, que cambiaba según o conto que interpretaban, servía para ambientar as historias que ían acompañadas de onomatopeas, música  e cancións.

PAPAMEDOS: É a historia dun neno que ten medo da escuridade. O seu irmán maior inventa un amigo imaxinario, O Comemedos,  que se come todos os medos. A través de preguntas e respostas sobre a identidade do misterioso personaxe, o protagonista vai expoñendo os seus medos, que vai superando grazas ao amor e a axuda do seu irmán.

AJDAR é un conto cheo de sabedoría sobre a responsabilidade dos seres humanos na Terra. Despois dun inesperado terremoto, vólvese todo do revés no país de Matilde, unha nena moi valiente que ten unha grande responsabilidade pois  terá que ir ao centro da terra para comprender a cólera do dragón Ajdar, responsable do sismo, e salvar o seu país.

Na Biblioteca de Chapela achegamos ao alumnado de 3º da ESO do veciño IES Chapela as composicións poéticas e musicais galegoportuguesas da Idade Media. O alumnado traballou por grupos en tres aspectos:

– Compoñendo un poema seguindo a estrutura das cantigas de amigo, co leixaprem

– Pintando sobre un lenzo un debuxo de trazado medieval– Cantando o poema que compuxeron, seguindo unha composición musical achegada ás cantigas medievais.VER MÁIS NO BLOG DAS BIBLIOTECAS DE REDONDELA:
http://bibliotecasredondela.blogspot.com.es/2014/04/leixaprem-co-ies-chapela-no-auditorio.html

O pasado martes 22 de abril, Títeres Cachirulo visitou a ALM de Corvillón, dentro dos actos organizados para celebrar o Día do Libro.

O Concello de Cambados, grazas ao programa da Xunta de Galicia Ler Conta Moito, puido estender dita celebración a todas as parroquias, para dun xeito lúdico, difundir a lectura e os libros. Os nenos e familiares que asistiron, arredor de 30, puideron coñecer a historia de Mowgli e as súas aventuras e desventuras na selva.

Onte tivemos a sorte de recibir a visita de Sarabela Teatro na Biblioteca de Darbo. Deleitáronnos cunha sesión de contos moi entretida, na que houbo moito humor e incluso algunha que outra canción. Rapunzel e Gretel estiveron do máis divertidas, en todo momento captaron a atención dos rapaces asistentes logrando a súa participación. Ó final da actuación ensináronnos un bonito libro cunhas ilustracións despregables de contos cásicos fantásticas que gustaron moito ós mais cativos.

Unha vez máis este martes 22 de abril contamos cos ratos de “Lonxedetodo”…

Cantamos…

bailamos…

escoitamos atentamente…

colaboramos…

atendemos…

e lemos… unha tarde xenial!!!

o día 22 de abril a biblioteca de Lourenzá celebrou o dia do libro cun contacontos a cargo de Raquel Queizás baixo o título a ” a maleta da avoa”, onde os máis pequenos desfrutaron cos contos.

“Os Contos de Pablisimo” coa actividade “¡RÁS! Contos Batracios” visitou a Biblioteca Pública Municipal de Cedeira, cunha serie de contos curtos donde os animais son os protagonistas, entre eles “Raniñas nun coche”, “Sapo e Sepo”, etc, participando os nenos cantando e repetindoos co artista.

Estos contos cheos de elementos visuais acompañaban as historias.  O final os nenos dixeron que os contaba moi ben, e o resultado foi excelente, e pedian, outro, outro, outro, …

O venres 11 de abril, a asociación teatral Garabullo representou na Axencia de Lectura de Santiso a obra “Unha pinga de mel”  a través da cal, coñecemos a importancia das abellas no medio ambiente.