O pasado venres tivemos a sorte de superar as probas para ter en Sarria unha nova sucursal do colexio de maxia e feitizaría Howgarts.

A rapazada traballou moito e moi intelixentemente para poder resolver os enigmas e conseguir abrir a gaiola que contiña as variñas máxicas e así poder liberar a Harry, Hermione e Ron. Adiviñas, chaves, cadeados, contrasinais e moito enxeño e pericia por parte dos fans das novelas fantásticas de Harry Potter.

Os nenos e nenas de Cerdedo-Cotobade lograron ser autores e protagonistas ao mesmo tempo do seu propio conto, a través do obradoiro “Fotoconto” que se levou a cabo o pasado venres 16 de outubro na Biblioteca de Cerdedo.

Non lles faltou creatividade a ningún deles para deseñar unha historia fantástica.

Ao remate da actividade visualizaron a montaxe do seu libro e poideron ver as ilustracións coas súas fotografías. En breve contaremos con este novo conto na nosa Biblioteca para que todos o poidades ler.

Continuando coas sesións de contacontos, o martes día 13 de outubro tivemos a visita de Elefante Elegante. Presentounos o seu espectáculo “O lobo Bobo”. Contounos novas e divertidas versións dos contos clásicos, como “Branca de Neve”, “Os tres porquiños”, “Carrapuchiña vermella”…

Esta orixinal forma de presentar os contos de sempre sorprendeu a pequenos e maiores. Pasamos unha tarde moi entretida.

O venres 16 de outubro ás 17:30h. na BPM de Sober  tivemos a última das actividades programadas no ciclo Ler conta moito. Estivo en Sober a compañía Aldaolado, có seu espectáculo “Pó e Xía”.
Esta é unha actividade de dinamización con música, teatro e danza, dirixida a nenas e nenos a partir de 6 anos , onde as protagonistas ( unhas nenas moi “trastas” ) narran as aventuras que teñen no seu cole e que as leva ata a biblioteca onde comezan a apreciar a poesía , o que fará delas unhas grandes lectoras.

Aldaolado realiza unha mestura de poesía con humor e música. Espectáculo moi entretido que capta a atención dos nenos e as nenas dende o primeiro momento.

O xoves 15 de Outubro tivemos na biblioteca de Darbo a visita de Raquel Galavís coa súa obra “O Principiño en Madagascar”.

Coñecemos a historia de Toni, un escalador que viaxou a Madagascar na procura dun exemplar do Principiño en lingua

Malgache e aprendemos moito sobre a vida en Madagascar, pero sobre todo descubrimos cómo atopar ao Principiño que está en cada un de nos.

Máis maxia na nosa biblioteca, neste caso da man do Maco Paco.

O xoves 15 de outubro os rapaces de Polo correo do vento visitaron a biblioteca Enrique Rivera Rouco nas Pontes. Aprendimos con eles moitas cousas sobre Ricardo Carvalho Calero e puidemos desfrutar dos seus debuxos. Os nenos e nenas tamén fixeron a súa propia caricatura do escritor que levaron para casa. Saíron moi ben.

O luns 5 de outubro Pakolas visitou a Biblioteca de Frades con un espectáculo no que as protagonistas das cancións e contos son elas, nenas e mulleres. Figuras femininas que nos dan a coñecer historias de superación de xeito divertido e con ritmo de Rock. Unha actuación que promove a igualdade de xénero e lles amosa os nenos e nenas a importancia da mesma. A actividade foi todo un éxito, que fixo bailar e desfrutar a todo o público.

Este xoves, 15 de outubro, estiveron connosco Ian & Elisa. O seu espectáculo “Historias fabulosas, dous magos e outras cousas: maxia” resultou un éxito facendo que os participantes gozaran dunha tarde entretida e chea de emocións, a interacción entre profesionais e público fixo que a duración da actividade lles soupese a pouco a estes últimos. Esta actividade reune maxia e sombras chinescas usando contos e fábulas como fío conductor.