O pasado sábado día 5 de outubro, Antía Yáñez estivo na Biblioteca de Meicende Antón Castro ás 11.30 horas.
As crianzas comprenderon que a igualdade non consiste en que os nenos fagan cousas de nenas e viceversa, senón en que todos e todas, gústenos o que nos guste, teñamos cabida no mundo (e neste caso, no patio do colexio).
Antía, coa rapazada, contou o seu conto premiado; “A Reconquista”, e xogou a un xogo moi especial de pelota.
O martes 1 de outubro, Anxo Fariña narrou aos nenos e nenas da Biblioteca Municipal de Outes un dos seus contos: “Dulcinea, a nena cabaleira”. Dinamizou a narración mediante a realización de ilustracións. Os nenos marcharon encantados, especialmente aqueles que levaron un debuxo como agasallo.
En San Sadurniño tivo lugar un obradoiro de dobraxe, e os nenos e nenas quedaron moi contentos/as co resultado final
Dentro do programa Ler conta moito.
Dúas sesións dirixidas a nenos e nenas de 5º e 6º de primaria o dia 4 de outubro en horario de mañá
“O Mundo da Dobraxe” é un obradoiro lúdico educativo, que nos achega, dun xeito ameno e participativo, este fascinante mundo. Mediante unha dramatización moi visual, móstranselles todos os pasos da elaboración dunha película; desde a creacion do guión ata a dobraxe da mesma que por suposto @s propi@s nen@s realizan.
Nunha calurosa tarde, María Lado e Lucía Aldao presentárose hoxe venres 4 de outubro aos nenos e nenas do Vicedo para representar o espectáculo “A Ovella Engracia e a lúa”. Estiveron moi atentos e puideron disfrutar da narración e da música e pasaron unha hora moi agradable.
As rapazas e rapaces recibiron a visita de Dada o duende e escoitaron os seus apaixonantes contos. A ecoloxía, a igualdade e o compañeirismo estiveron moi presentes nesta marabillosa xornada de diversión na BPM de Catoira.
Mañá divertidísima na biblioteca con Engracia e Branca, dúas ovellas moi especiais.
As nenas e nenos de 3º de primaria do Colexio Sagrado Corazón e as súas profes pasárono moi ben e aprenderon moitas cousas.
Engracia pensa que ser ovella é moi, pero que moi, aburrido. Ela come herba, durme a sesta, salta balados para adestrar … Pero iso non lle chega. O que realmente desexa a ovella é ver a lúa no alto da noite pero para iso terá que romper unhas normas que considera inxustas e aventurarse no mundo descoñecido. A ovella Engracia fala da procura dunha mesma a través da curiosidade, a constancia e o valor.
O xoves 3 de outubro veu a nosa biblioteca Magín Blanco , quen logrou que tivésemos unha tarde moi divertida chea de música e contos.
Ademais de contarnos cousas sobre música, amigos invisibles, adiviñas e moitas cousas máis, fixo coas súas cancións que todo o público tamén cantase e bailase. Moi divertido!
Dani Blanco, co seu circo desmelenado, visitounos este xoves na biblioteca. Presentou un espectáculo de circo, maxia e malabares encandeando aos nenos e nenas asistentes ao acto; Reservando para o final unha sorpresa que non deixou indiferente a ninguén.
o
Séguenos