Unha tardiña moi animada e participativa na que chegaron á nosa Biblioteca Pública de Meis, diferentes especies de árbores autóctonas cómo os teixos, freixos, bidueiras, aciñeiras, buxos…para contarnos as súas historias, velar polos bosques, fragas, soutos, e evitar os incendios, defendendo así o noso futuro.

Carballo con Botas foi o contador destas historias cargadas de valores en defensa dos nosos bosques, e o que nos animou a formar fila para sair da Biblioteca e abrazar ás árbores da nosa praza.

O 16 de maio celebramos o Día das Letras Galegas con Fátima Fernández.

Fátima contounos unha chea de historias acompañándoas de diferentes libros pop-up. Entre esas historias destacou a referida a “Minia Senín” personaxe da obra de María Victoria Moreno.

Foi unha sesión moi divertida!!!

Na biblioteca de Mugardos, tivemos a sorte de poder pasar a tarde do 5 de xuño na compaña da autora Eva Mejuto, nunha sesión xuvenil na que fixemos un exercicio de reflexión sobre temas como a diversidade sexual, a transexualidade ou  identidade sexual. Unha experiencia tan recomendable como enriquecedora.

Enrique Mauricio e Carlos Taboada,“ Polo Correo do Vento ” , presentaron na biblioteca de Sober  :

María Victoria Moreno , unha historia de amor.

Contos e debuxos sobre a autora homenaxeada este ano polas Letras Galegas.O público asistente coñeceu a vida e a obra desta autora, a través dos contos de Quique e os  excelentes debuxos de Carlos. Para rematar cada asistente fixo unha caricatura da autora seguindo as instruccións de  Carlos Taboada.

E o día 25 de  maio, dentro da programación das Letras Galegas, tivemos a Pablo Díaz, que veu visitar aos nenos e nenas do CRA de Bergondo.

Pasárono en grande cantando as súas cancións!

O 16 de maio tivemos en Bergondo dúas sesións deste obradoiro cos/as nenos/as de 4º, 5º º 6º de primaria.

Un momento lúdico onde mentres Enrique Mauricio lles falaba aos nenos/as da vida de María Victoria Moreno,  Tania Solla realizaba ilustracións sobre ela.

Filipa e o seu compañeiro Fran estiveron en Valga contándonos os contos de María Vitoria Moreno, rimos, pasamos medo e cantamos con eles

Na biblioteca despedimos maio por todo o alto con dúas actividades. O mércores visitounos Trinke Trinke co seu espectáculo “Avós”, na que a ratiña Lili Gruyére cantou, contou e fíxonos pasar unha mañá fantástica aos asistentes. Xa o venres acompañounos Charo Pita, co seu espectáculo Dondondirindonga e Dondondirindón, fíxonos gozar moitísimo.

O venres 1 de xuño tivo lugar un contacontos teatralizado da man de Producións Dispersas titulado “O souto dos prodixios” , espectáculo con música, teatro e danza no que os nenos participaron moito.

O souto dos prodixios é un lugar onde todo pode suceder. Non hai nada imposible baixo os castiñeiros: Os ourizos falan en varios idiomas, os raposos cantan ópera lixeira, os sapos compoñen poemas que riman, os osos fan punto de cruz nas silveiras, temos xirasoles que dormen de día e as estrugas non pican se lles chiscas un ollo.

Estas son as fotos dos nenos que asistiron e que amosan o ben que o pasaron.