O día 24 de outubro voveu a maxia a B.M. de O Froxel “Fco. A. Vidal” de  Arteixo da man de Javier Muro.

Fantasía e maxia mestúranse para facer gozar aos nenos de un intre moi agradable.

O espectáculo ten formato de contacontos pero co valor engadido de estar ilustrado con maxia, xa que, ao longo do conto vanse sucedendo efectos máxicos relacionados coa historia que se está a contar.

Onte, 25 de outubro, Trinke Trinke continuou a súa “tournée” por Cambados, e fixo unha paradiña para repostar risas e aplausos no centro cultural de Corvillón.

A súa axencia de lectura puido disfrutar  de “Os ratiños da caixa”, que non defraudou a ninguén. Un día máis, continuamos coa celebración do Día das Bibliotecas en Cambados… aí van unhas fotos!

Onte 25 de outubro na ALM de Touro, celebramos o día da Biblioteca coa presencia da compañía Elefante Elegante, que nos embelosou co espectáculo “O Xigante”. Cativos e adultos pasamos un ánaco do máis entretido.

O mércores, 25 de outubro ás 18,30hs, as gargalladas inundaron a biblioteca de Santa Cruz durante toda esta sesión . Tanto os adultos como os rapaces e rapazas non pararon de rir e aplaudir en cada historia que presentaba Pablísimo. Apoiado por un teatrillo e polas súas propias mans elaborou unha posta en escena do máis divertida, sonora e visual. Unha ra que se tragaba todo aquel monstro que se atrevía visitar a casa da súa dona. Unha cabaza tan grande que non había xeito de mover ata que acudiron unha chea de animaliños para axudar (tantos como dedos temos nas mans). Recordamos entre todos unha antiga e divertida canción e observamos como o caracol sacaba os seus cornos ao sol. Un espectáculo cheo de sensacións tras o que os asistentes levaron un sorriso para as súas casas.

Anxo Fariña asistiu a B.M da Coruña ” Sagrada Familia” para falarnos do que é o Mindfulness e cómo aplicalo á vida cotiá utilizando a ilustración.

O martes 24 de outubro celebramos o día da Biblioteca coa actuación de Galeatro co espectáculo “Comechíns, segundo prato”. Disfrutamos de libros e contos  que nos ensinaron a comer  un pouco de todo,  a ter en conta as intolerancias e alerxias ós alimentos   etc.

Celebramos o Día das Bibliotecas con esta actividade tan doce e apetecible. O cociñeiro e a pasteleira contáronnos a súa historia de amor chea de contos e de mazás asadas. Ao rematar os contos tivemos un obradoiro onde os nenos e nenas elaboraron cadansúa magadalena de pasta de azucre “fondant”.

Seguimos celebrando o Día da Biblioteca. Martes 24 de outubro.

Pequenos e maiores, pais e nenos achegáronse á biblioteca municipal de Sanxenxo para coñecer historias  e lendas de todos os continentes narradas por Juan Juste quen, a través da técnica do Kamishibai (teatro de papel tradicional xaponés) e do Emaki (teatro lumínico con pergamiños ilustrados), nos fixo pasar unha marbillosa tarde de contos.

Co seu bon facer, Juste conseguiu que o público presente participase activamente na historia sendo, a un tempo, espectadores e protagonistas. ¡Grazas Juan!

O 24 de outubro con motivo do día da Biblioteca , preto de 125 nenos e nenas, alumnos das escolas unitarias do Rosal, visitaronos para desfrutar de Trécola Teatro coa obra de contacontos “Madame Bechamel e Signorina Boloñesa”

Os pequenos gozaron coas aventuras e desventuras de duas cociñeiras inconscientes e un pouco máxicas que cociñan un sabroso bico, mentres contan un conto sobre o amor imposible entre un mago e unha meiga. Con cancións, xogos e outras sorpresas coas que desfrutar e soñar.

Experiencia fantástica e divertidísima ………

O día 24 de outubro a Biblioteca Municipal Juana de Ibarbourou de Lourenzá levou a cabo un espectáculo de maxia baseado en contos populares e que levou a cabo o Mago Albert.