O Rosa non é unha cor
Imaxe do Contacontos e do Obradoiro creativo
Saltar a ligazóns de pé de páxina
Archive for category: Actividades
Lili Gruyère e o coelliño branco achéganse á ALM de Corvillón
Onte, 19 de outubro, Trinke Trinke continuou a súa “tournée” por Cambados, e fixo unha paradiña para repostar risas e aplausos no centro cultural de Corvillón.
A súa axencia de lectura puido coñecer á simpática Lili Gruyère e ao seu amigo e compañeiro nos trucos de maxia, o Coelliño Branco… que non defraudou a ninguén. Un día máis, continuamos coa celebración do mes das Bibliotecas en Cambados… aí van unhas fotos!
Cóntoche un traxe – Biblioteca José Saramago – CSC de Santa Marta – Santiago de Compostela
Catro voluntarios servíronnos de modelos para que Montse a través de coplas e de poesías nos fose ensinando cal era a vestimenta tradicional na nosa terra, tanto para ir traballar no monte como para os días de festa. Ensinounos os materiais tan diferentes co que estaban feitos, algúns tan ásperos como a la e o liño, e a súa procedencia, as xoias que lucían as mulleres e os homes nas ocasións especiais e como nisto había diferencias sociais. En fin, unha morea de detalles sobre a forma de vida dos nosos tataravós.
Os asistentes puideron ver como é a planta do liño, tocar telas antigas de la (máis de 120 anos) e como é o tacto do liño menos traballado. E por último facerse unha foto co traxe elixido.
Kamishibai na Axencia de Lectura de Guillade
O martes 18 gozamos coa actuación de José Juste que coa técnica do Kamishibai, do emaki e outras nos invitou a un mundo máxico, tanto os máis cativos como os adultos que os acompañaron.
Un espectáculo diferente que agradou a todos asistentes.
Obradoiro de Cabezudos
Un obradoiro que gustou tanto aos maiores como aos nenos.
Leo Leíño coa súa obra “Maxia e humor, entre libros anda a maxia”, na Biblioteca “Antón Castro” de Meicende (Arteixo)
PENTAX DIGITAL CAMERA
O día 19 de outubro na Biblioteca tivemos chamas das que saíu un coello, libros encantados, Mary Poppins aparecendo nun caixón co seu bolso do que sacou mil cousas, axudantes da maga con superpoderes e moitas cousas sorprendentes.Todo isto conseguiu que o público vivise unha hora “máxica” e quedase coa sensación de ter asistido a unha actividade fabulosa.
B.P.M. DE POIO
O 25 DE SETEMBRO A TITIRICLETA do TITIRICLETEIRO chegou á biblioteca, pilotada por un grupo de monicreques solidarios chegados de Bangladesh, a India, Guatemala… na procura da paz..
A música das árbores na Biblioteca Dora Vázquez en Oseiro (Arteixo)
Nesta sesión de animación á lectura feita por Servando Barreiro fundironse a narración coa música e a poesía para falarnos de que é posíbel un mundo donde a xente viva en armonía coa natureza e a solución ós problemas xurda dos nosos corazóns.
A maneira de contar as historias nos leva ó mundo dos trovadores de antaño.
VIQUEIRAS DE ORDES NA BIBLIOTECA DE O FROXEL “Francisco A. Vidal” – ARTEIXO.- “O GAITEIRO CABEZUDO”.
O DÍA 18 DE OUTUBRO DE 2016 NA BIBLIOTECA DE O FROXEL “Francisco A. Vidal” – ARTEIXO.
O GAITEIRO CABEZUDO e as nais dos más cativos como percusionistas estelares, ofreceron de xeito divertido, un concerto didáctico de música tradicional coa participación do resto do público.
Tamén mostraron as características da gaita galega e dos instrumentos que a acompañaban.
Os nenos participaron tocando instrumentos, aturuxando, cantando e bailando pezas populares moi coñecidas.
Mes das Bibliotecas en Trazo con Comechíns
O día 15 de outubro tivo lugar na Biblioteca Pública Muncipal de Trazo a actuación Comechíns, na que os cativos e os non tan cativos coñeceron eses invonvenientes relacionados cos alimentos, tan habituais hoxe en día.
A través das historias mergullámonos nun mundo de fantasía no que a verdura, a froita e os legumes foron os protagonistas.
Séguenos