Onte Tania e Rita, de Forma Teatro, trouxeron á Biblioteca Municipal de Lugo os seus “Bebecontos de Choupiña e Trasnón”, cargadas coa súa maleta e acompañadas da Vaca Paca e o Porquiño Celta.
Para moitos dos nenos era o seu primeiro contacontos, e pensamos que non será o último, tendo en conta o ben que o pasaron.
Onte, xoves 22 de outubro ás 18 horas, Noa achegouse á bilioteca municipal Poeta Lois Pereiro para contarlle moitas cousas de América Central a un grupo de nenos e nenas. Foi unha viaxe por países e culturas diferentes. Tamén lles falou de cooperación e axuda a persoas que o necesitan explicándolles en qué consiste a solidaridade internacional.
Hoxe os nenos de Valga tiraron de imaxinación para crear personaxes e déronlles vida coa manipulación das súas mans e dotándoos de voz. Xogaron
a contar pequenas historias inventadas por eles.
O martes 20 de outubro Chrystyan Magic trouxo a súa maxia á biblioteca de Montrove.
Ao tempo que nos contaba a historia da pequena Rosalía, que andaba á procura das cores do arco da vella, os seus trucos ían ilustrando o conto, e nenas e nenos estiveron máis que dispostos a colaborar con el e facer de “axudantes de mago”.
Foi un espectáculo cheo de música, risas e trucos de máxia, que impresionou e encantou a pequenos e maiores.
O luns 5 de outubro , arredor de setenta nenos e nenas de entre 3 e 5 anos dos CEIPS San Isidro e Maciñeira, viñeron á Biblioteca Municipal de Neda participar no cantacontos de Raquel Galavís. Foi unha actividade moi entretida e dinámica, na que todos e todas cantaron e bailaron interactuando con Raquel, coa música do guitarrista acompañando e facendo pasar un moi bo rato. 
O día 20 de outubro, tivemos a honra de presentar na Biblioteca de O Froxel “Francisco A. Vidal”, o contacontos ‘Lobo bobo’ de Elefante Elegante que mistura, os contos de sempre para crear unha nova historia na que conviven o cómico e o poético co teatro xestual e a música, onde as marionetas cobran vida á medida que se narran as novas aventuras dos personaxes dos clásicos infantís. O público gozou moito co espectáculo.
Da man de Musicreques os nenos de Mugardos viviron unha emocionante tarde. A música, a historia e as personaxes tiveronos engaiolados durante toda a actuación. Unha tarde moi divertida que deixa a todos con ganas de máis.
Todo isto ocorreu o martes 20 de outubro de 2015
Musicreques en Mugardos
O día 17 de outubro os nenos e nenas de Palas de Rei viaxaron de conto en conto xunto con Catalina, e coa axuda de outras persoaxes de contos como carrapuchiña ou o lobo.
Os nenos e nenas de Ponteareas, así coma os seus acompañantes, gozaron moitísimo dos contos que a compañía Sarabela teatro lles fixo chegar, meterse nas historias e disfrutar moitísimo, interaccionando en todo momento co público asistente.
Esta actividade tivo lugar o 21 de maio de 2015
O misterio do pirata Benito Soto, a cargo de Polo Correo do Vento, fixo disfrutar aos máis pequenos e pasar unha sesión divertidísima grazas aos contos e ás ilustracións que ao mesmo tempo levaba a cabo o debuxante. Os nenos puideron ademais, facer a súa propia ilustración, guiados en todo momento polo ilustrador.
Foi unha actividade que gustou moitísimo e que tivo lugar o 14 de maio de 2015
Séguenos