O día 16 de maio viñeron visitarnos á ALM de Os Tilos os Ratos de Lonxedetodo da man de Trinketrinke Teatro. O Rato levou á biblioteca nunha caixa, os tres ratiños mais novos de Lonxedetodo. Son moi trastes e desobedentes e ténos que coidar.Tenta calmalos contándolle contos especiais para ratiños,pero non é doado!.

Os contos da sesión foron seleccionados de dúas obras de Arnold Lobel editados por Kalandraka: Contos de ratiños e Sopa de rato.

Pero aínda quedaba unha sopresa final. Os Ratos de Lonxedetodo deixaron unha das súas casa como expositor para que os máis peques puideran desfrutar das lecturas preferidas dos ratiños desta aldea tan afeccionada á lectura.

O día 17 tivemos na biblioteca Matapiollos coa a actividade de maxia titulada “Abrapalabra”. Os números de maxia foron moi divertidos, os nenos e os pais o pasaron moi ben

Na tarde do 2 de xuño veu Fuco o rato de Lonxedetodo a traer os contos preferidos dos ratos da biblioteca.
Cun feixe de contos de ratiños pequenos e outros animais pasamos unha tarde estupenda con Trinketrinke e as súas sempre boas animacións á lectura. Os nenos disfrutaron das historias tanto, que as quixeron levar despois para as súas casas.
Deste xeito tan divertido despedimos os contacontos e as actividades ata despois do verán, para repoñer forzas e voltar no outono con máis actividades na biblioteca.

Actividade na que Manuel Solla mediante un libro “Pop Up” foi  relatando o conto da “princesa labios de fresa” de seguido algúns nenos voluntarios deron vida os persoaxes do conto-en forma de teatro exprés- dirixidos polo animador. Os nenos quedaron moi intrigados co número de maxia, na que mediante a concentración e as palabras máxicas “ABRACADABRA” de todos os participantes, podian facer desaparecer e de novo aparecer as letras e as imaxes do libro, primeiro en branco e negro e para terminar a toda cor.

Participaron alumnos do Colexio Pablo VI-Fátima do Concello

Actividade desenvolta no marco do programa de celebración da semana das “Letras Galegas”

O día 20 de maio celebramos as letras galegas na Biblioteca de Fene co contacontos de un clásico “Onde viven os monstros” de Maurice Sendak narrado por Sherezade Bardají e que acompañou cunhas sombras chinesas.
Para a grande maioría dos nenos e nenas asistentes foi todo un descubrimento esta narración chea de monstros e sorpresas.

No día do libro pasamos unha tarde divertida cos “Contos de sobremesa” de Pablísimo, cos seus contos breves cheos de elementos visuais que acompañan as historias, fixo que nenos e adultos disfrutaran dun bo feixe de narracións algunhas coñecidas e outras non tanto.

Xogos por equipos, de probas e preguntas o día das Letras Galegas, e o autor homenaxeado este ano: Roberto Vidal Bolaño, como temática.

Actividade de dinamización, con música, teatro e danza. Narración oral. Títeres, conta-contos, maxia, animación, clown, música en directo.

O dia 28 de maio, máis de 200 nen@s, do Colexio Público de Maceda, de entre 3 e 12 anos, participaron e disfrutaron cos contos tradicionais, acompañados con cancións, música e sons de Migallas Teatro.

A continuación como noutras ocasións, cantamos a canción de Benvida dos Arrolos, que xa todos coñecemos. Logo nos contaron e cantaron a historia de Chispas o neno, que quería ser maior, e os seus amigos os animais de peluche; este conto como nos dixo Bea, aumenta o diminúe dependendo dos bonecos  que un ten na casa.