O pasado venres 24 de maio, pechamos a programación das Letras Galegas 2024 coa presenza da cantante e narradora oral Jara Ortiz e a súa particular proposta Rosalía Cantareira! 

A actividade é un recintal poético musicado, que suma unha serie de explicacións sobre a música tradicional, debullando a biografía de Rosalía, así como os usos da pandeireta e dun pequeno repertorio de música tradicional. A artista convida ao público a cantar con ela, a tocar as palmas e a bailar (as que queiran), nunha viaxe arredor da vida e a obra da autora Rosalía de Castro.

Unha oportunidade para achegarnos á nosa cultura, revisar a memoria e compartir cánticos tradicionais absolutamente referenciais para a nosa lingua!

Ana Meilán, excelente autora e contadora de literatura infantil, estivo na BPM de Sober acompañando aos nenos e nenas que participan nas Merendas con Contos dos venres.

Chegou cargada de libros que conteñen moitas historias. Descubrimos os segredos dos personaxes que viven nos contos e desfrutamos un montón coas aventuras narradas por Ana.

O pasado 20 de maio tivemos con nós a Carmen Domech e Olga Abad, viaxeiras no tempo, que nos levaron a outras épocas  e lugares a través do alfabeto, para coñecer ás mulleres que foron recoñecidas coas Letras Galegas, entre elas, por suposto, Luisa Villalta. Foi un pracer!

Onte na Biblioteca Xograr Mendiño de Lorbé  contamos coa visita do Mago Pedro Bugarín, que ademais de amosarnos trucos abraiantes ensinounos a facelos! Foi unha tarde moi divertida e sorprendente na que todos saímos da Biblioteca sentíndonos magos.

Onte divertímonos moito con Carmen Domech e o seu espectáculo “Onde viven os monstros”: títeres e contos para os nen@s que desfrutaron tamén os maiores.

O día 23 de maio na B.P.M. de Láncara tivo lugar o contacontos “Un universo na túa maleta” con Ana Meilán, no que o público asistente participou activamente

O mércores 22 de maio os nenos e nenas do CEIP As Bizocas desfrutaron na Axencia de Lectura de San Vicente da biografía de Luisa Villalta.

Polo Correo do Vento contou e ilustrou a historia da homenaxeada deste ano nas Letras Galegas. Dunha forma divertida, amena e acompañada de música fixemos un recorrido pola súa vida e os momentos mais importantes dela.

Rematamos cun obradoiro de ilustración onde seguindo os paso s de Tania os presentes puidemos demostrar as nosas mañas co debuxo.

O pasado luns, Vero Rilo veu á ALM de Dumbría con E a ti… que che contaban?

Actividade que mestura a tradición oral, coa literatura popular e os libros. Todo isto vestido coa linguaxe de signos e un bo facer da artista que destaca por enriba de todo.

Historias entretidas, divertidas, educativas,… Contos que gustaron aos nenos e nenas de todas as idades.

Desta vez asistiu o alumnado do CEIP Plurilingüe Santa Eulalia de Dumbría ao completo.

Moi, pero que moi recomendable!

Recuncamos no pavillón do CEIP O Marbán porque chovía ben nas Somozas para desfrutar con Vero Rilo dos contos que nos contaban e dos que contamos nós hoxe en día, como As velliñas e a Toupiña que quería saber quen lle fixera aquilo na cabeza ademais de Leite escrito por Verónica.

Cantamos, xogamos, aprendimos contos mais cantigas e mergullamonos no maravilloso mundo da fantasía.

O xoves 16 de maio, numeroso alumnado de primaria dos colexios Manuela Rial e Vila de Cee, así como unha clase do CEIP Brens, poideron achegarse á figura de Luisa Villalta, homenaxeada neste ano co Día das Letras Galegas, da man da escritora María Canosa. A mesma tivo como base o libro publicado este ano da súa autoría,  “Luisa Villalta, melodía de palabras”.

A partir de cada nota musical, María fixo un completo percorrido pola biografía de Luisa, para despois intercambiar impresións coas nenas e nenos que lle fixeron varias preguntas sobre Luisa Villalta e tamén sobre como foi o proceso de escribir este libro.

A charla rematou cunha sinatura de exemplares, un dos cales quedará no Fondo Local da Biblioteca Pública Francisco Mayán cunha fermosa adicatoria para os lectores, e para a propia vila  de Cee, cuna de María Canosa.