Onte o alumnado de 6º curso do CEIP “José María Lage” asistiu na biblioteca a actividade “Cociñando en igualdade”. Tras unha reflexión sobre a importancia da igualdade de xénero, prepararon varias receitas de cociña molecular (esferificación de falso caviar, espumas e raviolis de agar agar).
Elisabet Hillerud marabillounos coas súas creacións elaboradas co método zentangle.
Na tarde do mércores 25 de setembro descubrimos que se poden realizar cun lápis e un rotulador fermosas imaxes, sen necesidade de ser expertos debuxantes.
A técnica zentangle é moi sinxela e os resultados son espectaculares, e ata unha nena ou neno ben pequeño o pode facer. Consiste en ir trazando patróns repetitivos, por exemplo espirais ata formar belas imaxes.
É unha técnica moi relaxante para quen a utiliza, que conduce á concentración e á tranquilidade. A través do zentangle actívase a autoestima, pois os resultados son moi impactantes sen necesidade de saber debuxar, simplemente tendo paciencia para seguir as secuencias. Unha maneira tamén de fomentar a sensibilidade artística.
Ao comezo da actividade Elisabet entrégalle a cada participante un caderno en blanco, cosido á man. Cando rematan levan para a casa unha pequena alfada na que poden ir dando conta das súas lecturas, e seguir ilustrando o interior das súas páxinas.
Elisabet Hillerud, magnífica. Transmite moi ben o entusiasmo polo zentangle.
Actividade moi recomendable.
A Biblioteca de CEIP da Barrela (Concello de Carballedo) acolleu a actividade titulada “Con ciencia de muller” dentro do programa Ler conta Moito. Consistiu nun obradoiro no que se fixeron varios experimentos de ciencia, co que o público asistente quedou encantados.
O venres, 20 de setembro, introducímonos da man de Miguel Cortés no apaixoante mundo da escritura chinesa.
As nenas e os nenos tiveron a oportunidade de coñecer e soster nas súas máns os catro tesouros do escribán: pincel, tinta, tinteiro e papel cos que reproduciron algúns dos misteriosos caracteres da escritura chinesa.
Un obradoiro moi interesante que nos achegou un pouquiño máis á filosofía e beleza de todo un pobo. Especialmente recomendado para familias.
O xoves 19 de setembro tivemos a sorte de que nos visitasen na biblioteca de Lorbé Pitusa Semifusa e a súa avoa, que nos ofreceron un concerto infantil no que nenas, nenos e maiores desfrutamos moito das cancións e a música cantando, batendo palmas, bailando, e mesmo formando un grupo musical. Unha sesión chea de música, ritmo e cancións orixinais coas que todas e todos aprendemos as familias dos intrumentos musicais: “vento ,corda, corda, vento e se fai <tatá, tontón> será a de percusión… ”
Este xoves, na biblioteca, tivemos a visita de David Ballesteros que amosounos como a maxia de Harry Potter ten unha base científica explicada a través dos seus experimentos.
Os nenos e nenas divertíronse moitísimo participando na realización destes experimentos e contestando ás respostas que David lles facía sobre as proxeccións do colexio, o sombreiro falador…
Ciencia en Ruta ofreceunos unha entretida sesión informativa e moi interactiva cos nen@s sobre o noso sistema solar e algunhas mulleres que ao longo da Historia destacaron neste campo tradicionalmente reservado aos homes.
Actividade a cargo do grupo MIGALLAS TEATRO baixo a temática da Igualdade en todos os ámbitos da vida.
O martes 17 de setembro tivemos na Biblioteca Os Templarios, contos, música e arte para nenas e nenos de 4 a 12 anos.
Ao longo de 50 minutos María e Carlos, ou o que é o mesmo María do Contos e o señor Dorremí, fan un percorrido pola vida e a obra de catro pintoras: Xulia Minguillón, Sonia Delaunay, Yayoi Kusama e Frida Khalo.
Con cada pintora unha canción, pero antes cóntannos en que se inspirou cada unha delas e mostránnos láminas das súas obras máis significativas, adaptado sempre ao grupo de idade.
Coa artista galega Xulia Minguillón adentránnos na sociedade da súa época, na escola, de todo o que lle custou obter a medalla das BB AA a nivel nacional, do seu amor polos cans (ou cadelas),…
Pasamos polos deseños rompedores de Sonia Delaunay, polas súas cores e xeometrías…
Viaxamos ao Xapón con Yayoi Kusama, quen aos seus 90 anos segue a pintar puntos de cores.
Lévannos tamén a México para achegarnos á revolucionaria Frida Khalo, a súa casa azul e o xogo de cadro/foto.
Unha actividade magnífica onde se mestura xogo e aprendizaje.
Migallas Teatro nunca defrauda!
O xoves, 12 de setembro, tivo lugar na biblioteca de Mera o espectáculo “Elas pintan moito” a cargo de Migallas Teatro.
Foi unha sesión de contos baseada na obra das pintoras Xulia Minguillón, Sonia Delaunay, Frida Khalo e Yayoi Kusama e nos elementos que as inspiraron. A través das artistas abordouse a cuestión da igualdade entre homes e mulleres en todos os ámbitos da vida, desde o máis cotián ata o da creación artística.
O público quedou encantado coa excelente interpretación de María dos contos e o señor Dorremí que nos achegaron dun xeito moi divertido as principais obras e facetas da vida persoal destas pintoras.
Séguenos