Durante a fin de semana do 7 e 8 de setembro a Biblioteca de Betanzos organizou o primeiro FESTIBAM, unha finde chea de actividades na BAM (Biblioteca, Arquivo, Museo) Betanzos, cas actividades de Ler Conta Moito e con actividades no Museo das Mariñas co que compartimos instalacións: visitas guiadas, feira de artesáns e artistas locais, xogos, etc.

Na Biblioteca celebráronse as seguintes tres actividades por conta do programa Ler Conta Moito:

1.- Cantoconto Contocanto, de Maquinarias Teatro, orientado a maiores de 5 anos.

2.- Obradoiro de elaboración de emakis, dentro da proposta de Juste Kamishibai, para maiores de 6 anos.

3.- Obradoiro de imprenta, por 1mardecores, para nenos e nenas de entre 6 e 14 anos.

As tres actividades foron un éxito de público e foron moi ben valoradas.

O venres 6, tivemos a oportunidade de coñecer cómo facer un álbum infantil dende o momento de ter a idea ata o produto final. Toda unha viaxe pola maneira de ilustar, maquetar, escribir… da man das autoras da obra Monstr3s, Laura Parrula e Óscar Villán

Contos arredor da Terra en Parada de Sil

O xoves día 18 volveron outra vez á biblioteca de Beariz as mozas de “Heroes para a ciencia”. Fixeron varios experimentos moi divertidos que gustaron  a todos os asistentes, moitos deles con ganas de repetilos en casa. Pasamos unha mañá moi amena e interesante.

Grazas pola vosa visita.

Sabela Losada presentou ás Cativadas de Verán de Vite unha singradura que lembraba ó clásico Xogo da Oca.

Os trinta participantes formaron equipos e completaron a Ruta Xacobea grazas á axuda dun dado xigante.

Aprenderon sobre as Cantigas medievais e sobre a orixe das frechas amarelas. Tamén sobre mulleres que deixaron pegada na ruta:

Exeria, que redactou un caderno de viaxes no século IV, ou María Pérez quen cara o 1300 pintaba cunchas e as vendía converténdose así nos primeiros souvenirs do Camiño.

Na tarde do pasado venres, a rapazada de Dodro disfrutaron moito, realizando unha serie de experimentos científicos moi interesantes con Héroes para la ciencia

Interesante actividade onde os rapaces e rapazas desfrutaron e experimentaron co mundo da robótica

A Biblioteca Pública de Allariz celebro o día 17 de maio día das Letras Galegas ofrecendo os mais cativos de esta vila o espectáculo de Lydia Botana Contos musicados, unha actividade na que utiliza o conto cantado como ferramenta par desenvolver unha escoita activa a través das imaxes e melodías que acompañan á mensaxe que se pretende transmitir, no que todo non é o que parece, a importancia de cambiar o punto de vista de ver as cousas ou a reciclaxe.

O xoves dous de maio pola tarde, na Axencia de Lectura Xosé Cardeso Liñares de Vilaboa (Culleredo), a cativada tivo a ledicia de participar no Gran Xogo das Letras Galegas, homenaxeando a Luísa Villalta e aos  demais grandes das nosas Letras. Xogaron e aprenderon en equipos, pasando unha tarde chea de divertimento