A Biblioteca Central de Arteixo, foi o escenario da representación de “A Orixe” de Raquel Queizás, quen ataviada con indumentaria representativa e acompañándose con música, fíxonos partícipes de contos de África, China e de Perú. Pequenos e maiores desfrutamos e participamos nunha sesión que nos levou por distintos lugares do noso planeta.
O martes 14 de outubro estivo na nosa biblioteca Teatro Calavera co seu espectáculo “O cociñeiro Antón e a pasteleira Tomasa”. Unha actuación moi divertida que escenificou a historia de amor entre o cociñeiro e a pasteleira , enmarcada nun magnífico decorado que encantou aos asistentes.
A sesión rematou cun obradoiro de decoración de pasteis con pasta fondant, no que nenas e nenos se convertiron en “virtuosos da repostería” por un día… Foi todo un luxo culinario!!!
O venres, 10 de outubro, Teatro Garabullo fixo unha parada na biblioteca de Mera (Oleiros) e deleitounos co seu espectáculo de monicreques para a concienciación ambiental “Unha pinga de mel”. Unha viaxe polo mundo das abellas chea de sorpresas, gargalladas e aventuras que gustou ao público e foi moi didáctica. A función rematou cun pequeno obradoiro no que cada participante fixo a súa propia candea.
O día 9 de outubro, recibimos na nosa biblioteca a Pablísimo, quen nos contou , cantou e encantou con contos de rás e sapos, príncipes e princesas. Durante os 40 minutos que durou a sesión pequenos e maiores desfrutamos e participamos activamente da súa actuación.
“Contos que deixan pegada” na Biblioteca P.M.”Manuel María” de Oleiros con Pavís Pavós
Onte, martes 7 de outubro tivemos na Biblioteca P.M. “Manuel María” de Oleiros unha sesión de contos orientada a transmitir
valores, sen caer no didactismo e afastándose de moralismos. Contos narrados con maestría e que tratan das diferenzas na sociedade, a homofobia, o racismo, o machismo, as desigualdades.
O mércores 1 de outubro, ás 18:50 h, Santi Prego trouxo á Biblioteca de O Froxel “Franciso A. Vidal” de Arteixo, moitos e divertidos contos e cantos acompañado polos seus monecos, facendo participar activamente ós nenos que viaxaron coa imaxinación a mundos fantásticos.
O venres, 3 de outubro, tivemos o pracer de contar na biblioteca de Mera (Oleiros) con Leo Leiño e o seu espectáculo “Maxia Cómica” no marco do programa Ler Conta Moito.
Con maxia e sobre todo moito, moito humor Leo conquistou nun abrir e pechar de ollos ao seu público. A contadora amosounos unha corda voante, un can que muda de cor, libros que botan lume e unha chea de cousas máis. A sesión destacou pola alta participación e logrou espertar o interese das nenas e dos nenos polos libros de maxia dispoñibles na biblioteca.
Non quedou nin un nos andeis!!!
A ratiña Lily como todos os Ratos de Lonxedetodo (Ratos de Biblioteca), é unha gran afeccionada á lectura, pero tamén coida a súa alimentación e segue a máxima clásica: “que os teus alimentos sexan as túas menciñas”. Por iso na súa visita tráenos hábitos saudables na alimentación.
E así, cantando e contando, Lily deixounos as súas “Aventuras na Cociña”, contacontos teatral protagonizado polos Ratos da Biblioteca.
Consultar enlace ao evento no Facebook da biblioteca.
O pasado 6 de setembro visitounos na biblioteca Olga Abad para contarnos o conto O Soño do rato, onde temos a César un rato moi medroso que ten que pasar por moito antes de chegar á estación do tren para facer realidade o seu sono.
O conto veu acompañado da creación de sombras chinescas e moitas máis diversións para axudar a César a viaxar no tren que nos trae os libros ás bibliotecas. César perdeu o medo grazas a axuda de todos nós.
Consultar enlace ao evento no Facebook da Biblioteca.
O venres, 26 de setembro, na Biblioteca Pública Municipal “Mª José Trincado” de Mera (Oleiros) celebrouse a sesión de narración oral para bebés Triquitraque – Traquetriqui.
Os pequeniños da casa seguiron con atención, no colo das súas nais e pais, os xogos, historias e cancións coas que nos deleitou Charo Pita durante 40 minutos de gozo e diversión.
Séguenos