O venres 27 de marzo en “Tardes de Contos e Lendas” estivo na nosa biblioteca o Duende Dadá. Tiña moito que contarnos, onde vive, que come, que lle gusta facer e ademais …contos.  

O pasado 25 de marzo Marisa Irimia  engaiolounos cunha sesión de contacontos para bebes e pequechos titulada “Contos de marmeleiro, anís e limón” dentro da XVIII Campaña de animación á lectura da Biblioteca Pública Municipal de Meis en colaboración coa campaña Ler conta moito da Xunta de Galicia. Acudiron á chamada máis de 30 nenos e nenas do concello así como doutros limítrofes. Dita actividade supón o comenzo da tempada de animación que continuará até fin de curso.

Os nenos de Celanova pasaron un rato moi divertido gracias a actividade realizada pola Asociación Cultural Cucarandainas, grazas a unha sesión de Contos de peto.

O venres 27 de marzo  “Pavís , pavós” estivo na biblioteca de Valdoviño contando os “CONTOS QUE DEIXAN PEGADA” , actividade enmarcada no programa de animación á lectura que se desenvolve os venres pola tarde.

O 27 de marzo celebramos na Biblioteca Municipal de Poio o Día Internacional do Teatro, coa actuación especial do grupo Expresións Produccións, co seu espectáculo “Conto contigo”.Contos, maxia e monicreques estiveron presentes durante todo o programa.

O pasado venres 27 de marzo tivemos na Biblioteca Ágora unha actividade coa que quixemos celebrar o Día Internacional da Literatura Infantil e Xuvenil, e para o cal aproveitamos tamén as oportunidades que ofrece o programa Ler Conta Moito.

70 nenos e nenas, dos centros educativos CEIP Raquel Camacho e CEE Nuestra Señora de Lourdes – Aspronaga, foron protagonistas dunha xornada na que por un lado desenvolveron a proposta Ti tes moito conto!, organizada desde a Biblioteca coa súa colaboración, e por outro asistiron á actuación de Inácio, que nos deleitou cos seus contos do demo e coa contada da Nau Catrineta.

Con Ti tes moito conto!  buscamos traballar en dous aspectos que cremos de interese para os hábitos do alumnado participante: dun lado o fomento da lectura a través do coñecemento lúdico de contos e historias clásicas ou de tradición popular; doutro, a colaboración e o traballo en equipo entre alumnos e alumnas de centros diferentes e de realidades que non son as que viven a diario.

Como diciamos, a actuación de Inácio foi un fin de festa estupendo para a actividade final que preparamos o pasado día 27. A súa capacidade de interacción cos nenos e nenas, o carácter acumulativo das historias relatadas -que facilitaba a participación activa nas mesmas- e o propio interese do contido fixo que todos e todas gozaramos dunha sesión ben divertida e proveitosa.

Contacontos para rapazada a partir de 5 anos. Os contadores, Xanela Ocio, nos achegaron un mundo de contos tradicionais onde os roles de xénero se cambian. O personaxe da muller, neste caso “Tarzana”, respondendo a papeis onde teña que demostrar forza, intelixencia, e afrontar retos. En cambio, o masculino, neste caso “O lobiño carapuchiño”, situado nun contexto tradicionalmente feminino.
Por que non? Cambiando os papeis os contos tamén son fermosos, interesantes e gustan de ser escoitados.

Ver máis: no blog das bibliotecas de Redondela.

Cos ” contos do chupete” chuchamos contos, cancións e arrolos ata encher a barriguiña nesta proposta para bebés na que gozar en familia, con  Bea Campos e David González

Contos, ritmo e divertimento para os nenos pero, tamén,  para os pais que o pasaron xenial!

Rematamos este ano de Ler conta moito, na nosa Choiva de contos dos sábados, coa Asociación Musical Musicreques que nos deleitaron coa sua obra As aventuras de Quebranoces.

Interpretación en directo ao piano de O Quebranoces de Tchaikovsky, e un conto no que os personaxes descubren a beleza da amizade, da lectura e da música.

Máis información sobre este evento, aquí.

A piques de rematar o ano, chegou Magín á nosa biblioteca coas súas cancións e as historias de viaxes de A nena e o grilo, da locomotora María Fumaça, Rosalía pequeniña e moitas máis.

Houbo tanta xente que algunha non poido entrar, pero Magín prometeunos volver con máis sorpresas para levarnos a tantos lugares como queiramos.

Máis información sobre este evento, aquí.