O xoves 19 de outubro, Migallas Teatro fixo as ledicias dos máis pequenos da nosa biblioteca co seu espectáculo “Os contos do chupete”. A mestura de contos tradicionais como Os tres porquiños e de cancións gustaron a grandes e pequenos, estes últimos escoitaron atentos e participaron bailando e dando palmas.
Foi unha tarde inesquecible para todos nos.
Neste obradoiro as crianzas, dirixidas pola ilustradora Minia Regos (Gargallando), crearon cadanseu libro ilustrado. Para iso utilizaron diversos tipos de materiais e plasmaron en papel, de maneira divertida, o que imaxinaron.
Sorprendente contacontos o que desfrutamos onte martes 17 de Outubro na BPM Manuel María de Oleiros da man de Carmen Domech, con libros máxicos, libros tolos, libros que cobraban vida diante de nós, mostrándonos que tiñan a súa propia personalidade.
O día 17 de outubro o público asistente viviu 75 minutos de diversión total con esta actividade que, tendo como fío condutor a maxia, mesturou contos e xogos variados nos que as crianzas tiveron unha alta participación.
O luns, 16 de outubro, na biblioteca Mª José Ruso de Dorneda estivemos literalmente coas mans na masa. Despois de escoitar unha historia os rapaces e rapazas participantes neste obradoiro, puxéronse mans a obra e fixeron masa para poder crear os personaxes do mesmo.
Cando xa tiveron aos seus protagonistas procederon a darlles uns toques de cor, coa finalidade de darlles máis vida.
Podes escribir un conto só cunha única vogal? Unha pequena caixiña contén tódalas personaxes dun conto? Cal é o conto máis longo do mundo? E o máis curto? As respostas deunolas Pablísimo co seu Contiario, unha sesión de contos chea de orixinalidade e moitas risas que tivemos o pracer de ver este martes 10 de outubro na Biblioteca Manuel María de Oleiros
A Biblioteca municipal de Boqueixón acolleu o pasado venres a actividade “O mago Antón ten moito conto”A a actividade constou de dúas partes, na primeira, desenvolveuse o obradoiro no que a rapazada tivo que realizar sinxelos elementos para realizar trucos de maxia e, unha segunda parte na que o Mago Albert desenvolveu toda a súa profesionalidade contando coa colaboración dos/-as asistentes.
O venres, 6 de outubro, recibimos a visita da galiña Rosiña na biblioteca de Mera.
A galiña Rosiña é moi especial porque pon ovos de personaxes de conto. As nenas e os nenos foron sacando do curral os ovos protagonistas as veces de contos tradicionais e outras de contos por inventar e, entre todos, fomos tecendo historias
Na segunda parte da actividade os cativos elaboraron os seus propios ovos de conto cunha plastilina que fixeron eles mesmos con fariña e colorante alimentario.
Pasámolo fenomenal !!!
O xoves 5 de outubro tivemos a visita de Teatro Grazafelhos co seu espectáculo Camiñando entre estelas.
Os nenos e nenas participaron moi activamente no desenrolo do mesmo, actuando xunto ao astronauta protagonista e tamén facendo preguntas.
Espectáculo didáctico e divertido onde se amosa como formouse o noso sistema solar e como funcionan as diferentes forzas que hai nel. Todo isto a través de explicacións moi acordes as idades dos asistentes e axudándose tamén de contos e proxeccións.
O xoves 5 de outubro ás 18 horas tivo lugar na biblioteca municipal de Monforte un conta contos no que participaron 15 nenos e nenas e os seus acompañantes. Manuel Solla contoulles contos e fixoos participantes das historias. Unha bruxa, un príncipe, unha ra, un paxaro… cada neno representou un personaxe do conto e todos quedaron encantados e felices de ser protagonistas da historia.
Esperamos contar con Manuel en vindeiras ocasións xa que todos quemamos moi satisfeitos coa súa proposta.
Séguenos