Para celebrar o día do libro infantil e xuvenil  a biblioteca de Caldas de Reis adiantouse aos festexos organizando o pasado sábado a sesión de contos e  obradoiro As nosas historias a cargo de Olga Abad. Un grupo de rapaces acudiron á actividade para aprender a contar con sombras chinescas. Olga mostrounos todos os efectos que se podían facer e tras un conto, os rapaces realizaron as súas propias sombras e logo representáronnas.

Para conmemorar o Día do Libro Infantil e Xuvenil, convidamos a que Madame Bechamel e Signorina Bolognesa cociñasen en colaboración co público, un saboroso bico mentres contaban un conto sobre o amor imposible entre un mago e unha bruxa… ou non tan imposible? Con cancións, xogos e outras sorpresas coas que desfrutar e soñar.

Estas dúas cociñeiras atoladas e un pouco máxicas fixeron as delicias do público da man de Trécola Teatro.

33 nenos e moitos papás festexaron o Día do Libro Infantil na Biblioteca de Miño. Os encargados de facer pasar a todos unha boa maña de Sábado foron os xeniais compoñentes de Teatro Calavera. Grandes e pequenos disfrutaron co teatro e co  doce Obradoiro de alimentación

Este venres 31 de marzo visitounos Fuco, un dos nosos amigos de Lonxedetodo, para celebrar o Día do Teatro co seu novo contacontos teatral “Os ratiños da caixa”.

Viña acompañado de tres ratiños moi trastes que fixeron as delicias de pequenos e grandes e contou moitos contos de ratos. A sesión foi estupenda, cun cheo absoluto e con moitas recomendacións de lecturas por parte de Fuco. Ademáis de divertinos, ensina valores e contaxia a súa paixón pola lectura.

Actividade absolutamente recomendable!

O 29 de marzo os/as nenos/as de Touro, recibiron a visita de Pablísimo. Chegou co Contiario cheo de contos para sorprender ós/ás máis pequenos/as.

Como se dun Bestiario se tratara, esta sesión de contacontos estrutúrase como unha colección de relatos que amosan a grande variedade e riqueza da literatura infantil e da tradición oral. O obxectivo foi espertar a curiosidade polos libros, por “mergullarse” nos estantes da biblioteca e dar a coñecer os contos tradicionais e máis os contemporáneos. Apoiando a narración empregáronse franelógrafos, paneis debuxados, monicreques, música e por suposto a voz. No Contiario colleron todo tipo de contos: contos que empezaron ao revés, contos con moitos finais, fábulas, cantares de cego, contos minúsculos, adiviñas, contos – canción…

Sesión moi amena, participativa e chea de contido, que deixou un bo sabor de boca!

Seguimos coas actividades do programa Ler Conta Moito 2017 coa visita de Mamá Cabra e o seu espectáculo “Contos que saen dos libros”

Esta vez tocoulles aos mais pequechos de educación infantil e 1º de educación primaria do Colexio Padre Feijoo de Allariz.

Gozaron dun espectáculo musical moi participativo, dinámico e divertido, con música en directo de dous profesionais coma Gloria e a súa doce voz e Iago maxistral co seu  acordeón.

Pasámolo moi ben !!

O pasado Luns día 27 de Marzo celebramos en BiblioPazos o DÍA MUNDIAL DO TEATRO coa estupenda actuación de Juste Kamishibai, papel e teatro co seu espectáculo “As historias do Kamishibai”.

Estiveron con nos nesta celebración os alumnos de 3º e 4º de Primaria do CPI “Curros Enríquez” de Pazos gozando do espectáculo cos contos e lendas do mundo e con interesantes historias que pretenderon inculcar nos nenos/as valores en favor do coidado da natureza, da Terra e dos seres humanos.

En definitiva, un estupendo luns de teatro no que os alumnos/as puideron gozar e participar das historias narradas por Juan Juste mediante as técnicas de teatro de papel tradicional xaponés (kamishibai), da técnica de teatro lumínico tradicional xaponés a partir de pergaminos ilustrados coñecida como emaki,e dun teatro despregable pop-up que fixo manter a atención dos asistentes en todo momento.

    

Onte 29 de marzo Galeatro realizou na biblioteca de Irixoa unha sesión de contacontos na que nos mergullamos  nun mundo imaxinario, no que as cativas e os   cativos -ou non tanto- descubriron como a lectura pode abrir o apetito… E sobre todo, que cousas convén comer para saciar ese apetito.

O sábado 25 de marzo tivo lugar na Biblioteca Municipal do Grove o obradoiro”Audicontos” a cargo de CreAppcontos e dirixido á rapazada a partir de 6 anos.

Os asistentes aprenderon a utilizar Tablets e Apps para crear os seus propios contos , con audios e coa posibilidade de engandir a súa propia voz, explorando as novas Tecnoloxias Emerxentes.

Unha vez rematados os contos, todos os participantes realizaron unha exposición para os seus familiares, compartindo historias e lecturas nunha fantástica tarde de sábado.

Esta actividade facilita e estimula o desenvolvemento d@ nen@ a nivel emocional, intelectual e social. Promove a creatividade, a imaxinación, o galego e a fala dende os novas tecnoloxías